Informazioaren Gizarteari buruzko Inkesta (IGI)-Familiak izeneko estatistika-eragiketak, informazioaren eta komunikazioaren teknologia (IKT) berriek Euskal Autonomia Erkidegoko biztanleen artean izan duten ezarpenari buruzko aldizkako informazioa ematen du. Zehazki, etxebizitzetan eta ikastegi edo lantokietan biztanleek dituzten IKT ekipamenduak zenbatu eta deskribatu egiten ditu eta, halaber, horien erabilera maila neurtzen du, batez ere Interneti lotutakoak. IKT teknologia horiek euskal gizartean duten ezarpen maila inguruko beste erkidego batzuetako mailarekin erkatzeko aukera ematen du.