Hezkuntzari buruzko udal-estatistikaren xedea da biztanleriaren hezkuntza maila ezagutzea.Soil-soilik barneko zein kanpoko iturrietatik jasotako informazio administratiboa erabiliz burutzen da, informazioa zuzenean jaso gabe.Abiapuntua honako barne-iturri estatistiko hauek dira: Biztanleriaren eta etxebizitzen estatistika (BEE) eta Biztanleen udal estatistika (BUE).Gainera kanpoko iturri administratiboak ere erabiltzen ditu, hezkuntza arlokoak, Euskal AEko eta Estatuko Administrazioenak. Hauek hezkuntza mailari eta titulazioari buruzko fitxeroak eskaintzen dituzte, erregistro abministratiboei dagozkienak.

Biztanleria eta Etxebizitzaren Zentsua biztanleriaren heziketa mailaren gaineko iturri exhaustiboa da; argazki finko zehatza eskaintzen du eta, batera, inkesta baterako zaila den geruzakako azterketa. Esaterako, derrigor ikasle izan beharrik gabe, Lanerako Prestakuntzan eta Prestakuntza Osagarrian aritutako biztanleriaren kasua. Bigarren mailako ikasketak dituen biztanleriaren tasa-segida, adin eta sexu geruzaka, Biztanleria Jardueraren Arabera (BJA) koiunturako eragiketatik dator eta konparagarritasun handiko egiturazko adierazlea da estatistika esparru europarrean.