Kanpo Merkataritzaren Estatistika (KAMEE) eragiketaren informazio iturri nagusiak bi hauek dira: Administrazio Dokumentu Bakarra (ADB) eta Europako Batasuneko ondasun-trukeen datu estatistikoak jasotzeko sistema (INTRASTAT). Eragiketa honekin Euskal AEn jatorria edo destinoa duten eta kanpo-merkataritzan aritzen diren enpresen merkatal fluxuak ezagutzen dira, eta erkidegoa Europako testuinguruan kokatzen da. Informazioa merkatal fluxuen eta hiruhilekoen arabera ere eskaintzen da, herrialde historiko bakoitzerako.