Arteen eta kultura-industrien estatistika

Identifikazioa

Eragiketaren izena.

Arteen eta kultura-industrien estatistika

Eragiketaren kodea.

070198 (Euskal Estatistika Plana)

Erakunde arduraduna.

Hezkuntza, Hizkuntza Politika eta Kultura Saila

Maiztasuna.

Bi urtez behin

Eragiketa-mota.

Direktorioa

Metodologia, datuen jatorriari jarraiki.

Ikertu beharreko arlo bakoitzaren berezitasun eta bereizgarrietara egokitutako galdetegien bitartez eskuratu ditugu datuak. Guztira, 7 galdetegi diseinatu ditugu:

• arte eszenikoen ekoizleak
• arte eszenikoen programatzaileak
• musika-programatzaileak
• ikuskizun-arteen ekoizle eta erakusleak
• ikus-entzunezkoen ekoizpen-etxeak
• disko-ekoizleak
• ikus-entzunezkoen ekoizleak

Helburuak

• Arte eszenikoen ekoizle-eragileen jarduna nolakoa den jakitea (antzerki eta dantzen ekoizleena): identifikazioa, giza baliabideak eta baliabide ekonomikoak; egiten duten jardunaren zehaztasunak: ekoizpenaren kostua, antzezlanean parte hartzen duten aktoreen kopurua, hizkuntza eta abar
• Arte eszenikoen programatzaileen jarduna nolakoa den jakitea (antzoki eta festibaletan): identifikazioa, giza baliabideak eta baliabide ekonomikoak; egiten duten jardunaren zehaztasunak: ekoizpenaren kostua, antzezlan-saioen kopurua, hizkuntza, antzezlanak erakusteko erabilitako aretoak eta abar.
• Musika-programatzaileen jarduna nolakoa den jakitea: identifikazioa, giza baliabideak eta baliabide ekonomikoak; egiten duten jardunaren zehaztasunak: ikuskizunen izena, kontzertu kopurua, aretoaren gaitasuna, zenbat txartel saldu diren, zenbat diru bildu duten eta abar.
• Ikusteko arteak ekoizteko eta erakusteko guneen jarduna nolakoa den jakitea: identifikazioa eta kokalekua, giza baliabideak eta baliabide ekonomikoak, azpiegituraren zehaztasunak, ekoizteko eta erakusteko ekintzaren kuantifikazioa eta tipologia.
• Ekoizle fonografoen eragileen (disko-ekoizleen) jarduna nolakoa den jakitea: identifikazioa, giza baliabideak eta baliabide ekonomikoak, eskaintza fonografikoaren zehaztapena, erreferentzien ezaugarriak, bai berrienak bai katalogokoenak, ale kopurua eta abar.
• Ikus-entzunezkoen ekoizle-eragileen jarduna nolakoa den jakitea: identifikazioa, giza baliabideak eta baliabide ekonomikoak, ikus-entzunezkoen eskaintzaren zehaztapenak: tipologia, hizkuntza, euskarriak eta ekoizpenen aurrekontua.

Eremua

Biztanleria-eremua:

Eragile-ekoizleak eta arte eszenikoen programatzaileak, musika-programatzaileak, ikusteko arteen ekoizleak eta erakusleak, diskoak eta ikus-entzunezkoak ekoizten dituzten enpresak.

Geografia-eremua:

Euskal AE, bertako lurraldeak (Bizkaia, Araba eta Gipuzkoa).

Denbora-eremua:

Eragileen urtekarien bitartez.

Kontzeptuak eta Definizioak

Kontzeptuak eta definizioak.

Laginketa-era

Direktorioa denez, lagina ez da beharrezkoa.

Zabalkundea

Argitalpen inprimatua:

MIRADAS

Datuak urtero zabaltzeko beste era batzuk

• Estatistika-fitxa, estatistikari lotutako adierazle eta txostenen bidez