Etxebizitzen beharren eta eskariaren inkesta EBEI

Identifikazioa

Eragiketaren izena.

Etxebizitzen beharren eta eskariaren inkesta (EBEI)

Eragiketaren kodea.

122414 (Euskal Estatistika-Plana)

Erakunde arduraduna.

Antolamendu, Etxebizitza eta Ingurugiro Saila

Aldizkakotasuna

Urtekoa

Eragiketa-mota.

Laginketa bidezko inkesta

Metodologia, datuen sorburuaren arabera

Oinarrizko datuak zuzenean bilduko dira, galdesorta berariazkoen bidez

Helburuak

EBEIren helburu orokorra etxebizitzen beharraren eta eskari potentzialaren bilakaera ezagutzea da. Etxebizitza-politikaren jarraipeneko adierazleen sistemari buruzko oinarrizko informazio-iturria da.

Eragiketa honek berariaz ukitzen ditu honako atal hauek:

• Etxebizitzen beharra eta eskaria zenbatzea, moten arabera (lehen sarrera, aldaketa eta zaharberritzea).
• Gizarte eta egoitza arloko ezaugarriak; beharraren arrazoiak eta mailaketa.
• Behar diren etxebizitzen ezaugarriak.
• Etxebizitza behar dutenen finantza-gaitasuna.
• Nola antzematen den higiezinen merkatuaren egoera eta etxebizitza-politika.

Eremua

Populazio-eremua:

Inkesta honen aztergai den populazio-unibertsoa 18 urtetik gorako biztanleria da, arrazoi metodologikoengatik sarreraren bat duten eta gehienez 44 urte dituzten gizabanakoetara mugatua.

Lurralde-eremua:

Inkesta honen lurralde-eremua Euskal Autonomia Erkidegoa da, eta emaitzen destaldekatze-maila gorena 40.000 biztanletik gorako udalerriei dagokie.

Denbora-eremua:

Etxebizitzen beharra eta eskariari buruzko inkestaren denbora-erreferentzia urtekoa da. Urteko inkesta honetaz gain, hiru hileroko jarraipen bat egingo da, oinarrizko inkesta horretatik ateratako panel baten bidez.

Kontzeptuak eta Definizioak

Kontzeptuak eta Definizioak

Galde-sorta

Galde-sorta

Laginaren diseinua

Etxebizitzen beharrari buruzko informazio zehatzagoa lortzearren, unibertsoa sarreraren bat duten eta gehienez 44 urte dituzten gizabanakoetara mugatu da; izan ere, dauden bizi-unea dela eta (18 urtetik gorakoak eta gurasoen etxean bizi dira), talde horretako kide guztiek azal dezakete etxebizitza behar dutela.

3.000 bat etxeguneko lagin bat atera da Euskal AE osoari buruz, eta adierazgarritasuna bilatu da 40.000 biztanletik gorako arlo funtzional, hiriburu eta udalerriei buruz. Lagin hori arlo, hiriburu edo udalerri bakoitzaren biztanleria-pisuaren arabera neurtzen da.

Zabalkundea

Argitalpen irarria:

Euskal AEko Etxebizitzen Beharra eta Eskaria

Aldizkakotasuna:

Urtekoa

Beste zabalkunde-bide batzuk

• Internet: www.eustat.eus
• Eskaera bidez