Fitxa metodologikoa: Gutxienez bigarren hezkuntza gainditu duten 20 eta 24 urte bitarteko biztanleen tasa Guztira
Identifikazioa
- Izena
- Gutxienez bigarren hezkuntza gainditu duten 20 eta 24 urte bitarteko biztanleen tasa Guztira.
- Izena eta eragiketaren kodea 1. iturria
- Biztanleria Jardueraren Arabera (BJA) 050403
- Erakunde arduraduna
- EUSTAT
- Erabilgarritasuna
- BJA + 2 hilabete
Helburua
Kooperazio eta Hazkunde Ekonomikorako Erakundeko (KHEE) herrialdeentzat egindako azterlan baten arabera, lotura estua dago hezkuntzaren eta hazkunde ekonomikoaren artean. Azterlan horri jarraiki, eskolan batez beste urtebete gehiago ibiliz gero, % 5 ere handitu daiteke hazkunde ekonomikoa epe laburrean, eta % 2,5 gehiago epe luzean. Goi mailako bigarren hezkuntza bukatzea jotzen da, oro har, jakintzaren gizartean modu arrakastatsuan parte hartzeko eskatzen den gutxieneko mailatzat. Hori ezin garrantzitsuagoa da, ez bakarrik lan merkatuan ondo sartzeko, baizik baita ikasleei goi mailako hezkuntzak eskaintzen dituen ikasteko eta prestatzeko aukerez baliatzeko modua emateko ere.
Ezeren aurretik, eskolako arrakastaren araberakoak izan ohi dira banakoen sarrerak eta lan merkatuko estatusa. Goi mailako bigarren hezkuntza burutu duten pertsonek hobeto ordaindutako lanak eta lan baldintza hobeak lortzen dituzte; gainera, batez beste, prestakuntza apalagoa dutenek baino lan dezente hobea izan ohi dute. Hezkuntzaren gutxieneko mailaren adierazle bat gutxienez bigarren hezkuntza amaitu duten 20 eta 24 urte bitarteko biztanleen tasa da.
Gutxienez bigarren hezkuntza gainditu duten 20 eta 24 urte bitarteko biztanleen tasa kalkulatzeko hurrengo zatiketa egin behar da: gutxienez bigarren hezkuntza gainditu duten 20 eta 24 urte bitarteko biztanleen kopurua adin tarte horretako biztanleen kopuruaz zatitu behar da. Adierazle horren oinarria Biztanleria jardueraren arabera sailkatzeko Inkesta (BJA) da. “Bizilekuetan” bizi diren pertsona guztiak sartzen dira inkestan eta hortik kanpo geratzen dira etxebizitza kolektiboetan (harrera etxeak, ikasleen egoitzak, ospitaleak...) bizi direnak.
Eremua
- Biztanleak:
20 eta 24 urte bitarteko biztanleak.
- Lurraldea:
Euskal AE eta lurralde historikoak.
- Denbora:
-
Urtekoa
Kontzeptuak eta definizioak
Kalkulu mota:
Adierazlea zatidura modura lortzen da.
Zenbakitzailea:
Gutxienez bigarren hezkuntza gainditu duten 20 eta 24 urte bitarteko biztanleak.
Izendatzailea:
20 eta 24 urte bitarteko biztanleak.
Kodeak eta izenak
Ez da egoki
Kalitatea
Ez da egoki
Informazio gehiago