Fitxa Metodologikoa: Digestio-aparatuaren ospitale-altak 100.000 biztanleko

Identifikazioa

Izena

Digestio-aparatuaren ospitale-altak 100.000 biztanleko

Izena eta eragiketaren kodea 1. iturria

Ospitaleetako erikortasun-estatistika. (030580 Euskal Estatistika Plana)

Izena eta eragiketaren kodea 2. iturria

Biztanleriaren eguneratzea.010142

Erakunde arduraduna

Eustat

Erabilgarritasuna

Urtea+1

Iturri sekundarioak

Ospitaleetako erikortasun-estatistika. EIN

Adierazlearen formula

Sistema digestiboaren gaixotasunengatik ospitalizatutako pazienteen alta kop./100.000 biztanleko

Helburua

Euskal AEko ospitaleetan artatutako biztanleen erikortasuna eta baliabide-kontsumoa ezagutzea, planifikazio, ebaluazio eta ikasketa epidemiologikorako euskarri gisa, ospitaleko alten bidez.

Digestio aparatuaren gaixotasunak EB-27ko ospitaleratzeen kausa nagusien artean daude, baita Euskal AEn.

Gaixotasun-mota asko eta askotarikoak daudenez, taldekatu egiten dira eta oso normala da diagnostiko edo patologia talde handiak aipatzea ospitale-erikortasunaz ari garelarik. Horietako bat sistema digestiboaren gaixotasun taldea da.

Eremua

Biztanleak:

Akutuen ospitaleak, egonaldi ertain/luzekoak eta psikiatriko publiko eta pribatuak

Lurraldea:

Euskal AE

Denbora:

Urtekoa

Kontzeptuak eta definizioak

Ospitaleko alta deitzen zaio ospitaleratze-eremuan edo eguneko ospitale kirurgikoan artatutako gertaera bat ixteari (sendatzeagatik edo hobetzeagatik, beste zentro batera eramateagatik, heriotzagatik eta borondatez). Adierazle konparagarri hori egiteko, gutxienez gau bateko edo gehiagoko egonaldia egin duten ospitaleratutako pazienteen kasuak sartzen dira.

Haur jaioberri osasuntsuek ez dute altarik ematen, ama baino ez baita alta ematen erditze-prozesuan. Patologiaren bat badute bakarrik, ospitaleratze eta alta gisa kontabilizatzen dira.

Adierazlea zatidura gisa lortzen da, ehun mila biztanleko horrenbeste:

Zenbakitzailea:

Akutuen ostipaleetan, egonaldi ertain/luzekoetan eta ospitaleetako pazienteen psikiatrikoen sistema digestiboaren gaixotasunengatik (gau batez gutxienez edo 24 ordu baino gehiago) altak, guztira, urte batean zehar.

Izendatzailea:

Zenbatetsitako biztanleria urtearen erdialdera * 100.000

Ospitale alta (Eurostat). Ospitaletik pazienteak formalki irtetea, tratamendua, prozedura bukatu ondoren. Alta da ospitaletik tratamendua bukaturik irtetea; alta dira baita ere profesionalen adostasunik gabe irtetea, beste instituzio batera joatea eta hiltzea. Ospitaleratuta dauden gaixoez gainera (gutxienez gau 1 edo 24 ordutik gora), egunean bertan tratamendua jaso duten gaixoak ere hartzen dira kontuan. Jaioberri osasuntsuak ere zenbatzen dira. Baina ez dira zenbatzen erakunde bereko beste zerbitzu batzuetarako lekualdatzeak. Adierazle hau kalkulatua dago ingresatutako pazienteentzat (in-patient cases) ospitalean gau batez gutxienez edo 24 ordu baino gehiagoz egon direnak.

Jaioberri osasuntsuak ere sartzen diren arren, "All causes of diseases (A00-Z99) excluding V00-Y98 and Z38” hauek baztertu egin dira Eustaten eta INEren datuekin alderatzeko.

Kodeak eta izenak

Nazio barruko eta nazioarteko alderaketak ahalbidetzen dituzten osasun egoerari buruzko datuak harmonizatzeko, gaixotasunak GNSren arabera (Gaixotasunen Nazioarteko Sailkapena) sailkatzen dira. Adierazle honek alta-kopurua neurtzen du GNS 10. berrikustean (International Shortlist for Hospital Morbility Tabulation, ISHMT) ezarritako atalei jarraiki.

Sistema digestiboaren gaixotasunak k00-k93 kodeekin agertzen dira GNS-10ean.

Kalitatea

Espainiarekiko datuak EINtik datoz (Ospitale erikortasun inkesta).

Ospitaleetako altei buruzko datua administrazioek eman dute; beraz, herrialde bakoitzeko osasun sistemaren antolaketa berezia islatzen du; horrexegatik, datuak ez dira beti alderagarri. Aldagai honekiko nazioarteko alderaketa kontu handiz egin beharrekoa da; izan ere, aldeak izango dira ospitalean lo egiten ez duten pazienteekiko, edo zerbitzu batetik bestera pasatutakoekiko.

Estatu bakoitzak erabilitako iturriak kontsultatzea komeni da:

Health care resources (hlth_res)

Informazio gehiago

EUROSTAT datuak: Population and social conditions , karpeta/Health; azpikarpeta/“Health care activities” : “Hospital discharges” ; taula/“Hospital discharges by diagnosis, in-patients, per 100 000 inhabitants”

Hospital discharges by diagnosis (Diseases of the digestive system), in-patients, per 100 000 inhabitants