Euskadiko CBSAn, lanaldi osoko lanpostuaren baliokidea den enplegua sartzen da. Enpleguaren barruan produkzio-jarduera bat gauzatzen duten pertsona guztiak sartzen dira (SEC, 2010). Enplegatutzat hartzen dira enpresa batek kontratatutako pertsonak, aldi batean lanik egiten ez dutenak (betiere lan-lotura formala badute) eta langile autonomoak. CBSAn aintzat hartutako jardueretako enpleguaren barruan sartzen dira ingurumen-ondasunen eta -zerbitzuen sektorean produkzio-jarduera bat garatzen duten pertsona guztiak. Ekoizle batek ingurumen-jarduerak eta ez-ingurumenekoak egiten baditu, ingurumen-zatiaren eta ez-ingurumenekoaren artean zatikatzen da enplegua. CBSAn, bakarrik sartzen da ingurumen-produktuekin lotutako zatia.