Erreferentziako pertsona: familiako beste kideen ahaidetasun-harremanak zehazteko kontuan hartzen den pertsona da. Familia nuklearretan aita da erreferentziako pertsona, edo aitarik ez badago ama. Nukleo anitzeko familietan ere aita izango da erreferentziako pertsona, edo aitarik ez badago ama, belaunaldi zaharrenekoa edo belaunaldi beraren barruan zaharrena dena. Familia nukleorik ez badago, ahaidetasuna duten pertsonak egon zein ez, pertsona zaharrena izango da erreferentziako pertsona. Familia bakoitzean erreferentziako pertsona bakarra egongo da.

Taldeko burua: aurrekoan bezala, familia nukleoaren barruan ahaidetasun-harremanen definizio handiena egiteko aukera ematen duen pertsona izango da; aita edo ama. Erreferentziako pertsona bere nukleoko burua da, baldin eta nukleoren batean badago.

Nukleoko kideak: familia nukleo bakoitzeko beste pertsona guztiak dira.

Nukleokoak ez diren pertsonak: familian bakartuta dauden pertsonak dira, nukleorik ez duten familietan erreferentziako pertsonak direnekin batera.