Trakzio Mekanikoko Ibilgailuen gaineko Zerga zuzeneko zerga da, eta bide publikoetan ibiltzeko gai diren mota eta kategoria guztietako ibilgailuen titulartasuna zergapetzen du (39/1988 Legearen 93. artikulua). Zerga honen zerga-oinarria, ibilgailu motaren arabera, honako hauek osatzen dute:

a) Turismoak eta traktoreak, potentzia fiskala; autobusak, plaza-kopurua.

b) Kamioiak, atoiak eta erdi-atoiak, bakoitzaren karga erabilgarria.

c) Motozikletak, zilindradaren edukiera.

d) Ziklomotorrak, unitatea.

TMIZ ordainaraztea toki-ogasunei dagokie (39/1988 Legearen 60. artikulua). Lurralde Historikoetako erakunde eskudunek ematen dituzten arauek arautzen dute, zirkulazio-baimenean agertzen den helbidea Euskal Autonomia Erkidegoko udalerri bati dagokionean (12/2002 Legearen 41. artikulua, apirilaren 21eko 7/2014 Legeak aldatua).