Berrerabili ez diren plastikozko ontzien gaineko zerga berezia zeharkako zerga da, eta plastikoa duten ontzi ez-berrerabilgarriak Espainiako lurraldean erabiltzearen gainekoa da, bai hutsak agertzen badira, bai salgaiak edukiz, babestuz, manipulatuz, banatuz eta aurkeztuz aurkezten badira.

Zerga, 2023ko urtarrilaren 1etik aurrerako ondorioekin, ekonomia zirkular baterako hondakin eta lurzoru kutsatuei buruzko apirilaren 8ko 7/2022 Legearen VII. tituluko I. kapituluan araututa dago (67. artikulutik 83.era).

Zerga Espainiako lurralde osoan aplikatuko da, hargatik eragotzi gabe Euskal Autonomia Erkidegoko lurraldeetan eta Nafarroako Foru Komunitatean indarrean dauden kontzertu eta hitzarmen ekonomikoko zerga-araubide foralak, hurrenez hurren, eta barne-ordenamenduan sartu diren nazioarteko tratatu eta hitzarmenetan xedatutakoa.

Zergaren kudeaketa Foru Ogasunari dagokio.