HF.1.1 Administrazio publikoak

Gobernuaren finantzazio eskemen ezaugarriak legearen edo gobernuaren beraren arabera ezarrita daude. Programarako aurrekontu bereizi bat ezarri da eta gobernuaren barneko unitate bat arduratzen da horretaz.

Parte hartzeko modua: automatikoa herritar edo egoiliar guztientzat, edo talde batentzat, lege edo gobernu araudi baten bidez definituta.

Fondoak biltzeko oinarrizko metodoa: derrigorrezkoa; gobernuaren beraren diru-sarrerak, batez ere, zergak.

HF.1.2 Derrigorrezko osasun aseguruak

Derrigorrezko osasun asegurua finantzazio-akordio bat da. Herritar talde zehatz batzuek osasun arreta jasotzeko aukera izango dute, interesdunen izenean egin beharreko ekarpen batzuen bidezko derrigorrezko parte-hartzen baten baitan.

HF.2.1 Borondatezko osasun aseguruak

Aurre-ordainketa bidezko osasun zerbitzu bat da. Osasun zerbitzuak jasotzeko aukera eragile pribatuen mende dago (hala ere, gobernuen lege eta arauen eragina ere izan dezake).

Osasun-aseguruen borondatezko planak aseguru-poliza baten erosketan oinarritzen dira. Aseguru-primak gobernuak zuzenean edo zeharka ordain ditzake.

HF.2.2 IPSFLSH

Familiei zerbitzua ematen dieten irabazi asmorik gabeko erakundeen finantzazio eskemak (IPSFLSH). Finantzazio akordio edo programa ez derrigorrezkoak dira, kontribuziozkoak ez diren prestazioak jasotzeko eskubidearekin. Jendearen, gobernuaren edo enpresen dohaintzetan oinarritzen dira.

Familien zerbitzura dauden irabazi asmorik gabeko erakundeak (ISFLSH) produktore pribatuak dira, ez merkatukoak.

HF.2.3 Enpresak

Kategoria honen barruan dauden akordioen bidez, enpresek zuzenean ematen dizkiete edo finantzatu egiten dizkiete osasun zerbitzuak langileei (hala nola, laneko osasun zerbitzuak), aseguru-sistemarik gabe.

HF.3 Familien zuzeneko ordainketa

Osasun zerbitzu eta ondasunengatik etxeko oinarrizko errenta eta aurrezkien kargura egiten den ordainketa zuzena; erabiltzaileak berak egiten du ordainketa, zerbitzuak erabili edo ondasunak erosteko unean. Baterako ordainketa eta ordainketa informalak barne daude (esku-dirutan zein espezietan).