Irakaskuntza pribatuaren gastu eta finantzaketaren estatistikak izan dituen aurreko argitaraldietan, sailkapen bikoitza erabili izan da, ikastetxeen erakunde-izaerari eta titulartasunari dagokienez. Lehendabizikoak (irakaskuntzaren izaera deitu genion) irakaskuntza pribatuaren baitan diren bi sareetan bereizten zituen ikastetxeak: ikastolak batetik, eta gainerako ikastetxe pribatuak bestetik. Bigarren sailkapenak (ikastetxeen titulartasuna) ikastetxea ea kooperatiba, erlijio-ikastetxea edo ekimen partikularrekoa zen adierazten zuen. Argitaraldi honetan, 1991ko argitaraldirako hartutako erabakiari jarraituz, bi sailkapenen konbinazioa erabili dugu. Horrenbestez, ikastetxeen artean kategoria hauek bereizi ditugu: ikastolak, erlijio-ikastetxeak eta ikastetxe laikoak.

Ikastolak taldean sartu dira ikastola guztiak, nahiz eta horietako gutxi batzuk erlijio-erakunde bat duten titular.