Merkatuz besteko etxeko produkzioa balioesterakoan, honako hau da alderdirik garrantzitsuenetako bat: etxegunean egiten diren jardueretatik, produktiboak zein diren zehaztea eta, beraz, zein diren balioesgarri.Xede horrekin, "hirugarrenaren irizpidea" delakoa erabiltzen da. Bere ideia nagusia honako hau da: jarduera bat produktiboa kontsidera daiteke beste norbaiti eskuordetu badakioke, elkartruka daitekeen outputa eskaintzen badu.

Etxeko ekoizpena etxeguneko kideek eurentzat burutzen dituzten jarduera ordaindu gabeak dira. Jarduera horiek merkatuko produktuez eta zerbitzu ordainduez ordezka daitezke, baldin eta beste gorabehera batzuek (hala nola sarrerak, merkatuko baldintzak eta gorabehera pertsonalak) zerbitzu hori etxeko taldetik kanpoko beste norbaiti eskuordetzea ahalbidetzen badute.