Higigarrien kapitalaren etekintzat hartuko dira aipatutako aldian jaso diren banku-kontuetako interesak, bonoak, obligazioak eta, oro har, errenta finkoko tituluak, akzioen dibidenduak eta edozein balore higigarri eskualdatzeagatik lortu diren gainbalioak. Praktikan, higigarrien kapitalaren etekinak dira interesak, dibidenduak, gainbalioak, eta abar baina egindako atxikipenak kendu gabe. Aitortu diren 5 euroko edo hortik gorako zenbatekoaren interesak soilik hartzen dira kontuan.

Goiburu honen barruan Gizarte Aurreikuspeneko Borondatezko Erakundeetan lortutako etekinak ere sartzen dira. Berreskuratzearen %35 hartzen da lortutako irabaziak balioesteko.

Inbertsio-funts kolektiboetan, akzioetan, aseguruetan eta abarretan izandako partaidetzak eskualdatzearen ziozko ondare-irabazi eta -galerak ere sartzen dira goiburu honetan.