Elektrizitatearen gaineko Zerga Berezia zeharkako tributu bat da, elektrizitatearen kontsumoaren gainekoa, eta fase bakarrean kargatzen du kontsumorako energia elektrikoaren hornidura, bai eta ekoizleek eurek sortutako elektrizitatearen kontsumoa ere (38/1992 Legearen 89. artikulua eta 1074/2014 Errege Dekretua). Zergapetuta dago:

a) Elektrizitatea bere kontsumorako eskuratzen duen pertsona edo erakunde bat energia elektrikoz hornitzea.

b) Energia elektrikoaren ekoizleek eurek sortutako elektrizitatea kontsumitzea.

Zerga-oinarria Balio Erantsiaren gaineko Zergaren ondorioetarako zehaztuko litzatekeena da, elektrizitatearen gaineko zergaren kuotak kenduta.

Zerga itundua da EZB, eta 38/1992 Legean ezarritako arau substantibo eta formal berberek arautzen dute. EZBaren ordainarazpena Lurralde Historikoetako Foru Aldundiari dagokio honako kasu hauetan: a) elektrizitatea bere kontsumorako eskuratzen duen pertsona edo erakundearen hornidura-puntua Euskal Autonomia Erkidegoan dagoenean; edo, b) energia elektrikoaren ekoizleek eurek sortutako elektrizitatea Euskal Autonomia Erkidegoan kontsumitzen dutenean (12/2002 Legearen 33. artikulua eta 7/2014 Legea).