Derrigorrezko Bigarren Hezkuntza (DBH), nahitaezko hezkuntza-etapa da. Doakoa da eta oinarrizko hezkuntza osatzen du. Lau ikasturte biltzen ditu eta, normalean 12 urtetik 16 urtera egiten da. Ikasleek bi ikasturte errepikatu ahal izango dute gehienez, eta erregimen arruntean egoteko eskubidea izango dute hamazortzi urte arte, ikasturtea amaitzen den urtean beteta. Ikasgai guztiak gaindituta, Derrigorrezko Bigarren Hezkuntzako graduatu-titulua lortuko da.