Ez dago indarrean, eta Hezkuntzari eta Hezkuntzako Erreforma Finantzatzeari buruzko abuztuaren 4ko 14/1970 Lege Orokorreko hezkuntza-sistemaren barruan zegoen.

OHOko ikasketak amaitu ondoren, ez Batxilergora, ez IEEra joan nahi ez zuten ikasleek, aukera zuten 1. mailako Lanbide Heziketako ikasketak jarraitzeko. Batxilergoko titulua izanez gero, edo IEEko 1. zikloa edo LHko 1. gradua gaindituta, 2. gradura joateko aukera zegoen.

Lanbide Heziketako 2. gradua amaitu eta espezialitate bereko goi-mailako ikasketak jarraitzea erabakitzen zuten ikasleek, dena delako unibertsitate-eskoletarako sarbide zuzena zuten. Fakultateetara edota Goi-mailako Eskoletara sartzeko UBI gaindituta eduki behar zen.