Produktuetarako diru-laguntzak (D.31), ekoiztu edo inportatu den ondasun edo zerbitzu baten unitate bakoitzeko ordaindu beharreko diru-laguntzak dira. Diru-laguntzak ondasun edo zerbitzu baten unitate bakoitzeko diru-kopuru jakin batekoak izan daitezke, edo ad-valorem kalkula daitezke unitateko prezioaren ehuneko zehatz batekin. Diru-laguntza beste modu honetara ere kalkula daiteke: helburu-prezioa den prezio zehatzaren eta erosleak benetan ordaindu duen merkatu-prezioaren arteko diferentzia. Normalean, produktu baterako diru-laguntza bat eskatu ahal izango da ekoiztu, saldu edo inportatu egiten bada. Hitzarmen bidez ezarri da produktuek soilik izan ditzaketela diru-laguntzak merkatuko produktuak (P.11) direnean edo azken erabilera propiorako produkzioa (P.12.) denean.