2002ko urrian, %6,8ko urte arteko aldakuntza nominala izan
dute Euskal AEko azalera handietan izandako salmentek, aurreko urteko hilabete
beraren aldean, Eustatek eskainitako datuen arabera. Behin prezioen eragin inflazionista
kenduz gero, aurtengo urriko urte arteko tasa %2,4koa izan da, hazkunde errealeko
baliotan.
Elikadura-produktuen salmentek %6,4ko urte arteko aldakuntza
positiboa izan dute 2002ko urrian eta gainerako salgaiek %7,4ko hazkundea izan
zuten, balio nominaletan. Balio errealetan (prezioen igoeraren eragina deskontatuta),
elikadura-produktuen salmentak %1,8 igo dira, aurreko urteko hil beraren aldean;
eta gainerako produktuenak, %3,3.
Euskal AEko azalera handietako establezimenduetan enplegatutako
pertsonala %1,1 gutxitu zen 2002ko urrian, aurreko irailaren aldean.
2002ko lehenengo hamar hilabeteen balantzean, salmenta
nominalen hazkunde-tasa metatua %6,6koa da, aurreko urteko aldi berean izan
zen hazkunde-tasa (%6,0, 2001eko lehenengo hamar hilabeteetan) baino handiagoa.
Elikadura-produktuek eta edariek markatu dute urteko aldi horretako indize orokorraren
bilakaera (%9,0ko hazkunde nominala), eta gainerako produktuek, aldiz, hazkunde
neurritsuagoa lortu dute (%3,5ekoa).
Balio errealetan, guztizko salmentak %3,1 hazi dira urrira
arte, aurreko urteko aldi berean baino ehuneko puntu bat gehiago. Hazkundea
honela banatu da: %4,0 elikadura-
-produktuak, eta %2,0 gainerako produktuak. Landun-kopurua %6,4 handitu da aldi
honetan, aurreko urteko aldi beraren aldean.