2003/03/27ko prentsa-oharra
AZALERA HANDIETAKO MERKATARITZAREN INDIZEA (AHMI) 2003ko otsaila
EUSKAL AE-KO AZALERA HANDIETAKO SALMENTAK
%7,2 IGO ZIREN 2003KO OTSAILEAN
Elikadura-produktuen salmentek (%4,9) urte arteko hazkunde
txikiagoa izan dute gainerako produktuenak (%10,6) baino.
2003ko otsailean, %7,2ko urte arteko aldakuntza nominala izan
dute Euskal AEko azalera handietan izandako salmentek, aurreko urteko hilabete
beraren aldean, Eustatek eskainitako datuen arabera. Behin prezioen eragin inflazionista
kenduz gero, aurtengo otsaileko urte arteko tasa %3,5eko hazkundea izan da,
hazkunde errealeko baliotan.
Merkataritza sektoreko salmentek %7,7ko hazkunde nominala izan
zuten Gipuzkoan, bost hamarren Euskal AEko batez bestekoaren gainetik. Bizkaian,
%7,4ko tasa nominala lortu zuten eta azkenik, Araban %5,4ko hazkundea izan zuten.
Zifra horiek balio errealetara egokituta, Gipuzkoako azalera handiek %3,9 gehitu
zituzten euren salmentak, Bizkaikoek %3,7 eta Arabakoek %1,8.
Azalera Handietako Merkataritzaren Indizea, Lurralde Historikoka. Balio errealak.
Iturria: EUSTAT
Elikadura-produktuen salmentek %4,9ko urte arteko aldakuntza nominala izan zuten 2003ko otsailean, eta gainerako salgaiek %10,2ko hazkunde handiagoa, balio nominaletan. Balio errealetan (prezioen igoeraren eragina deskontatuta), elikadura-produktuen salmentak %0,5 igo ziren, aurreko urteko hil beraren aldean; eta gainerako produktuenak, aldiz, %7,3.
Elikadura-produktuen salmentek urte arteko bilakaera berdintsua izan dute hiru Lurralde Historikoetan: Gipuzkoan %1,5 hazi, Bizkaian ia egonkor mantendu (%0,1) eta Araban %0,7 jaitsi dira, balio konstantetan neurtuta.
Gainerako produktuen bilakaeran, berriz, portaerak homogeneoagoak izan dira Lurralde Historikoka: Gipuzkoan %8,1 hazi dira, Bizkaian %7,7 eta Araban %4,6, balio konstantetan neurtuta.
Euskal AEko azalera handietako establezimenduetako landunen kopurua %2,0 murriztu da 2003ko otsailean, 2003ko urtarrilaren aldean, eta %1,1 gehitu aurreko urteko hil beraren aldean. Enpleguaren urteko bilakaerak ibilbide desberdinak izan ditu lurraldeka, eta azpimarratzekoa da Gipuzkoako hazkundea (%2,6) Bizkaikoaren (%0,7) eta Arabakoaren (%0,3) aldean.
Argibide gehiagorako:
|
|
Euskal Estatistika Erakundea / Instituto Vasco de Estadística
Donostia-San Sebastian kalea, 1. 01010 Vitoria-Gasteiz
Tel.: 945-01 75 00. Faxa: 945-01 75 01. E-maila: eustat@eustat.eus
Harremanetarako pertsona: Enrique Morales Zubizarreta
Tel.: 945-01 75 05. Faxa: 945-01 75 01
Prentsa-oharrak Interneten: www.eustat.eus |
Informazio gehiago