2003ko urtarrilean, %8,6ko urte arteko aldakuntza nominala izan dute Euskal AEko azalera handietan izandako salmentek, aurreko urteko hilabete beraren aldean, Eustatek eskainitako datuen arabera. Behin prezioen eragin inflazionista kenduz gero, aurtengo urtarrileko urte arteko tasa %5,0koa izan da, hazkunde errealeko baliotan.
Merkataritza sektoreko salmentek %9,7ko hazkunde nominala izan zuten Bizkaian, Euskal AEko batez bestekoaren gainetik puntu bat eta hamarren bat. Gipuzkoan, %8,0ko tasa nominala lortu zuten eta azkenik, Araban %5,8ko hazkundea izan zuten. Zifra horiek balio errealetara egokituta, Bizkaiko azalera handiek %6,1 gehitu zituzten euren salmentak, Gipuzkoakoek %4,5 eta Arabakoek %2,4.
Elikadura-produktuen salmentek %7,4ko urte arteko aldakuntza nominala izan zuten 2003ko urtarrilean, eta gainerako salgaiek %9,8ko hazkunde handiagoa izan zuten, balio nominaletan. Balio errealetan (prezioen igoeraren eragina deskontatuta), elikadura-produktuen salmentak %2,9 igo ziren, aurreko urteko hil beraren aldean; eta gainerako produktuenak, aldiz, %6,8.
Elikadura-produktuen salmentek urte arteko bilakaera berdintsua izan dute hiru Lurralde Historikoetan, eta Bizkaiko %3,2 eta Arabako %2,2 artean ibili dira.
Gainerako produktuen bilakaeran, berriz, portaerak desberdinagoak izan dira Lurralde Historikoka: Bizkaian %8,4 hazi dira, Gipuzkoan %6,0 eta Araban %2,2, balio konstantetan neurtuta.
Euskal AEko azalera handietako establezimenduetako landunen kopurua %1,3 murriztu da 2003ko urtarrilean, 2002ko abenduaren aldean, eta %0,8 gehitu aurreko urteko aldi beraren aldean. Enpleguaren urteko bilakaerak ibilbide desberdinak izan ditu lurraldeka, eta azpimarratzekoa da Gipuzkoako hazkundea (%3) Bizkaikoaren aldean (%0,3), eta batez ere, Arabako jaitsiera txikiaren aldean (%-1,0).
Ohar metodologikoa:
Azalera handietako merkataritzaren indizea 2002 oinarri-urte berriarekin egin da. Aurreko oinarri-urteak 1997 urtea zuen erreferentzia.
Base berri honek berrikuntza garrantzitsua dakar: Lurralde Historikokako informazioa jasotzen du. Orain arte ez zen informazio hori ematen estatistika-sekretuaren azaroak zirela medio.
Hurrengo astetik aurrera, erabiltzaileek eskuerara izango dituzte serie estekatuak Eustateko web orrialdean: www.eustat.eus