2003ko martxoan, EUSTATek eskainitako datuen arabera, % 3,8ko urte arteko gehikuntza nominala izan dute Euskal AEko azalera handietan egindako salmentek, aurreko urteko hil beraren aldean. Behin prezioen eragin inflazionista kenduz gero, joan den martxoko urte arteko tasa % 0,3koa izan da, hazkunde errealeko baliotan.

Merkataritzasektore horretako salmentek % 5,2ko hazkunde nominala izan zuten Araban; Bizkaian eta Gipuzkoan, berriz, neurritsuago hazi ziren (% 3,4 eta % 3,6, hurrenez hurren). Zifra horiek balio errealetara ekarrita, Arabako azalera handiek % 1,7 gehitu zituzten salmentak; Gipuzkoakoek, % 0,2; eta Bizkaikoek ez dute aldakuntzarik izan (% 0,0).

Azalera Handietako Merkataritzaren Indizea, lurralde historikoka. Balio errealak.

Iturria: EUSTAT

Elikaduraproduktuen salmentek % 2,6ko urte arteko gehikuntza nominala izan dute 2003ko martxoan; gainerako salgaiek, berriz, igoera handiagoa izan dute, % 5,7koa. Balio errealetan (prezioen igoeraren eragina deskontatuta), elikaduraproduktuen salmentak % 1,8 jaitsi dira; gainerako produktuetan, berriz, % 2,7 beheititu dira salmentak.

Euskal AEko hiru lurraldeetan urte arteko bilakaera ezberdina izan dute elikaduraproduktuen salmentek: % 0,2 hazi dira Araban; Bizkaian eta Gipuzkoan, aldiz, % 2,4 eta % 1,8 jaitsi dira, hurrenez hurren.

Gainerako produktuen salmenten bilakaerari dagokionez, lurralde guztietan jokabide homogeneoagoa ageri da. Hartara, 3,0ko hazkundea izan da ArabaGipuzkoetan, eta % 2,5ekoa Bizkaian, balio konstanteetan neurtuta.

Euskal AEko azalera handietako establezimenduetako enplegatuak % 0,5 gehitu ziren 2003ko martxoan, aurreko otsailaren aldean; eta % 0,6, aurreko urteko martxoaren aldean. Enpleguaren urteko bilakaeran, aldeak izan dira lurralde batetik bestera. Nabarmen ageri dira Gipuzkoako hazkundea (% 2,5), Bizkaian izandako gehikuntza txikiagoaren (% 2,5) eta Arabako jaitsieraren (% 0,3) aldean.