Euskal AEko 2000ko Input-Output Taulak (I-O) Euskadiko jarduera ekonomikoa hobeto ezagutzeko oinarrizko tresnak dira. Era berean, EUSTATeko estatistika ekonomikoen informazio-sistema guztiaren laburpena ere badira.

80ko hamarkadatik, EUSTATek ahalegin handiak egiten ditu datuak biltzen eta metodologia eguneratzen 5 urtero Input-Output taulak egiteko.

2000ko Input-Output taula (TIO 2000) estatistika-kontabilitate tresna dugu eta bertan 2000ko ekitaldian Euskal AEko ekonomian kontabilizatutako produkzio- eta banaketa-eragiketa guztiak azaltzen ditu.

Taulak burutzeko prozesua konplexua eta luzea da bere aspektu guztietan D taulak egitea, ohar eta gomendio metodologikoak, emaitzen analisia, etab.) eta EUSTATek erabiltzaileen eskuerara jarri nahi izan ditu produkzio-eskaintzaren jatorri-taula eta produkzioaren helburu taula eragiketa guztia bukatzeko zain egon gabe.

Kontuen Europako Sistema berriaren (KES 95) instrukzioen arabera, “Input-Output marko” berria lau taula-motak osatzen dute:

- Jatorri-taula.

- Helburu-taula.

- Taula Simetrikoa.

- Jarduera-adarrak eta erakunde-sektoreak lotzen dituen taula.

Informazio erabilgarria erabiltzaileen eskura jartzeko, sistema berriko lehenengo taula biak atera dira: Jatorri-taula eta Helburu-taula.

1. JATORRI TAULA

Jatorri-taulak produktu bakoitzeko egindako produkzioa eta Euskadiko ekonomiaren ondasun eta zerbitzuen guztizko eskaintza lortzeko beharrezko inportazioak jasotzen ditu.

Ilaren kopurua eta zutabeena ez dira berdinak: errenkadek produktuak edo produktu-taldeak adierazten dituzte eta zutabeek ekonomia banatu den jarduera-adarrak. Ilarek ondasun eta zerbitzuen barne-produkzioa eta ondasun eta zerbitzuen inportazioak agertzen dituzte; eta zutabeek jarduera-adarraren arabera sailkatutako establezimenduek gauzatutako produkzioa.

Hemen aurkeztutako jatorri-taulak 87 jarduera-adar ditu, Euskal AEko ekonomia banatzeko erabili direnak, eta taulan beste hainbeste zutabe ditugu. Horizontalean, 101 ilara ditugu, hau da, gure ekonomiako 101 produktu edo produktu-talde esanguratsuenak.

Bi balorazio-mota ditugu jatorri-taulan:

A. Oinarrizko preziotan balioetsitako balorazioa, produktu bakoitzaren produkzio kostuen egitura azaltzen duena, merkataritza- eta garraio-marjinak, zergak eta produktu bakoitzari lotutako diru-laguntzak alde batera utzita.

B. Eskuratze-preziotan egindako balorazioa, oinarrizko preziotako eskaintzari merkataritza- eta garraio-marjinak eta produktuen gaineko zerga garbiak gehituta lortutakoa.

2. HELBURU-TAULA

Helburu-taulak, bere izenak dioen bezala, ondasun eta zerbitzuen helburua azaltzen du.

Hemen ere ez da berdina ilaren eta zutabeen kopurua: ilarek produktu eta produktu-taldeak adierazten dituzte eta zutabeek jarduera-adarrak. Ilara bakoitzak ekoiztutako ondasun eta zerbitzuen helburua agertzen du, helburuaren objektuaren arabera bi talde handitan sailkatuta:

1) Beste jarduera-adar batzuek kontsumitutako produkzioa, hau da, BITARTEKO ESKARIA

2) Azken erabiltzaileak helburu dituen produkzioa, hau da, AZKEN ESKARIA. Azken honek hiru helburu ditu: kontsumo pribatu edo publikorako produkzioa, inbertsioetarako produkzioa eta esportazioetarako produkzioa.

Zutabeetan, azken produkzioa lortzeko jarduera-adar nagusi bakoitzak egiten dituen produkzio-faktoreen erosketak agertzen dira, barne-produkziokoak eta inportatutakoak bereizita.

Helburu-taula eta jatorri-taula 87 jarduera-adarrek osatzen dute (zutabe bakoitzeko jarduera bat) eta 101 produktu eta produktu-talde dituzte, taulako erdiko ilarak beste.

Datu-Bankua