2003ko apirilean, EUSTATek eskainitako datuen arabera, %3,2ko urte arteko gehikuntza nominala izan dute Euskal AEko azalera handietan egindako salmentek, aurreko urteko hil beraren aldean. Behin prezioen eragin inflazionista kenduz gero, joan den apirileko urte arteko tasa %0,3koa izan da, hazkunde errealeko baliotan.

Merkataritzasektore horretako salmentek %5,1 eta %4,5eko hazkunde nominala izan zuten Gipuzkoan eta Araban, hurrenez hurren; eta Bizkaian, berriz, neurritsuago hazi ziren (%1,8). Zifra horiek balio errealetara ekarrita, Gipuzkoako azalera handiek %2,2 gehitu zituzten salmentak; Arabakoek, %1,5; eta Bizkaikoek jaitsiera arina izan zuten (%-1,1).

Azalera Handietako Merkataritzaren Indizea, lurralde historikoka. Balio errealak.

Iturria: EUSTAT

Elikaduraproduktuen salmentek %2,1eko urte arteko gehikuntza nominala izan dute 2003ko apirilean Euskal AEn; gainerako salgaiek, berriz, igoera handiagoa izan dute, %5,0koa. Balio errealetan (prezioen igoeraren eragina deskontatuta), elikaduraproduktuen salmentak %1,3 jaitsi dira; gainerako produktuetan, berriz, %2,3 igo dira salmentak.

Euskal AEko hiru lurraldeetan urte arteko bilakaera ezberdina izan dute elikaduraproduktuen salmentek balio errealetan: %0,3 hazi dira Araban eta %0,6 Gipuzkoan; Bizkaian, aldiz, %3,1 jaitsi dira.

Gainerako produktuen salmenten bilakaerari dagokionez, lurralde guztietan jokabide homogeneoagoa ageri da. Hartara, 3,0ko hazkundea izan da Araban, %4,8koa Gipuzkoan eta %1,1ekoa Bizkaian, balio konstanteetan neurtuta.

Euskal AEko azalera handietako establezimenduetako enplegatuak %0,7 gehitu ziren 2003ko apirilean, aurreko martxoaren aldean; eta %1,0, aurreko urteko apirilaren aldean. Enpleguaren urteko bilakaeran, aldeak izan dira lurralde batetik bestera. Nabarmen ageri dira Gipuzkoako hazkundea (%1,9), Bizkaian eta Araban izandako gehikuntza txikiagoaren aldean, azken bi lurralde horietan urte arteko hazkundea %0,7an kokatu baita.