Euskal AEko industri prezioak %1,2 jaitsi dira 2003ko apirilean, EUSTATek landutako datuen arabera. Datu horiek kontuan hartuta, apirileko urte arteko tasa (azken hamabi hilabeteetan industri prezioek izandako aldakuntza laburbiltzen duena) %1,2 hazi da. Beste alde batetik, urteko lehen lau hileko bilakaerak %1,1eko handitzea dakar, aurreko abenduaren gainean.

Sektorekako azterketa xehatuak agerian uzten du, apirilean, honako hauek izan direla inflazionistenak aurreko hilaren aldean: makineria (%0,9), kautxua eta plastikoa (%0,7), metalezko eta ez-metalezko meak (%0,7), energia elektrikoa, gasa eta ura (%0,6) sektoreak. Industri prezioetako hileko jaitsierarik handienak, aitzitik, honako sektore hauei dagozkie: bereziki, petrolioa fintzeari (%-14,0) eta larruaren eta oinetakoen industria (%-0,9) zurgintza (%-0,2) eta garraio-materiala (%-0,1) sektoreei.

2002ko apirilaren eta 2003ko apirilaren bitarteko epean, prezio-hazkunderik handienak metalezko eta ez-metalezko meak (%6,8), kimika-industria (%3,5), garraio-materiala (%3,1) eta larruaren eta oinetakoen industria (%3,0). Kontrako noranzkoan, urte arteko tasa negatiboak petrolioa fintzea (%-4,4) eta energia elektrikoa, gasa eta ura (%-2,0) sektoreko prezioek izan dituzte.

Ondasunen helburu ekonomikoaren araberako sailkapenari jarraituz, apirilean, aurreko hilaren aldean, ekipo-ondasunen eta kontsumo-ondasunen prezioak %0,7 eta %0,1 igo dira, hurrenez hurren; eta bitarteko ondasunen prezioak, berriz, %2,4 jaitsi dira.

Hiru ondasun-taldeen urte arteko bilakaerak zeinu positibokoak dira. Hala ere, alde nabarmenak izan dira urte arteko bilakaeran (2003ko apirila, 2002ko apirilaren aldean): kontsumo-ondasunen eta ekipo-ondasunen prezioak %2,9 eta %1,7 igo dira, hurrenez hurren; eta bitarteko ondasunenak, berriz, hazkunde neurritsuagoa izan dute, %0,2koa.