2003ko maiatzean, EUSTATek eskainitako datuen arabera, %7,2ko urte arteko gehikuntza nominala izan zuten Euskal AEko azalera handietan egindako salmentek, aurreko urteko hil beraren aldean. Behin prezioen eragin inflazionista kenduz gero, joan den maiatzeko urte arteko tasa %4,6koa izan zen, hazkunde errealeko baliotan.

Merkataritza-sektore horretako salmentek antzeko hazkunde nominalak izan zituzten Gipuzkoan (%7,8) eta Araban (%7,6), eta Bizkaian, ostera, neurritsuagoa (%6,6). Zifra horiek balio errealetara ekarrita, Gipuzkoako azalera handiek %5,2 gehitu zituzten salmentak; Arabakoek, %5,0; eta Bizkaikoek %4,0.

Elikadura-produktuen salmentek %6,2ko urte arteko gehikuntza nominala izan zuten 2003ko maiatzean Euskal AEn; gainerako salgaiek, berriz, igoera handiagoa izan zuten, %8,6koa. Balio errealetan (prezioen igoeraren eragina deskontatuta), elikadura-produktuen salmentak %2,6 igo ziren; gainerako produktuetan, berriz, %6,6 igo ziren salmentak.

Euskal AEko hiru lurraldeetan urte arteko bilakaera ezberdina izan zuten elikadura-produktuen salmentek balio errealetan: %3,5 hazi ziren Gipuzkoan eta %2,5 Araban; Bizkaian, aldiz, gutxixeago igo ziren, %2,4, hain zuzen.

Gainerako produktuen salmenten bilakaerari dagokionez ere, urte arteko bilakaera desberdina izan zuten hiru herrialdeetan. Hartara, 7,8ko hazkundea izan zen Araban, %7,2koa Gipuzkoan eta %5,6koa Bizkaian, balio konstanteetan neurtuta.

Euskal AEko azalera handietako establezimenduetako enplegatuak %0,4 gehitu ziren 2003ko maiatzean, aurreko apirilaren aldean; eta %0,5, aurreko urteko maiatzaren aldean. Enpleguaren urteko bilakaeran, aldeak izan ziren lurralde batetik bestera. Aipagarri izan zen Gipuzkoako hazkundea (%1,7), Bizkaian izandako gehikuntza txikiagoaren (%0,3) eta Arabako urte arteko gutxitzearen (%-0,5) aldean.