2003ko uztailean, EUSTATek eskainitako datuen arabera, %5,3ko urte arteko gehikuntza nominala izan zuten Euskal AEko azalera handietan egindako salmentek, aurreko urteko hil beraren aldean. Behin prezioen eragin inflazionista kenduz gero, joan den uztaileko urte arteko tasa %2,7ko gehikuntza izan zen, hazkunde errealeko baliotan.

Merkataritzasektore horretako salmentek %6,8ko hazkunde nominalak izan zituzten Gipuzkoan, %4,8koak Araban, eta %4,6koak Bizkaian. Zifra horiek balio errealetara ekarrita, Gipuzkoako azalera handiek %4,2 gehitu zituzten salmentak; Arabakoek, %2,2; eta Bizkaikoek %2,0.

Elikaduraproduktuen salmentek %5,4ko urte arteko gehikuntza nominala izan zuten 2003ko uztailean Euskal AEn; gainerako salgaiek, berriz, igoera txikixeagoa izan zuten, %5,2koa. Balio errealetan (prezioen igoeraren eragina deskontatuta), elikaduraproduktuen salmentak %1,6 igo ziren; gainerako produktuetan, berriz, %3,3 igo ziren salmentak.

Euskal AEko hiru lurraldeetan, urte arteko bilakaera desberdina izan zuten elikaduraproduktuen salmentek, balio errealetan: %3,1 igo ziren Gipuzkoan, baina gehikuntzak neurritsuagoak izan ziren Araban (%1,8) eta batez ere Bizkaian (%0,4).

Gainerako produktuen salmenten bilakaerari dagokionez ere, urte arteko bilakaera desberdina izan zuten hiru herrialdeetan. Hartara, 4,6ko hazkundea izan zen Gipuzkoan, %3,2koa Bizkaian eta %2,0koa Araban, balio konstanteetan neurtuta.

Euskal AEko azalera handietako establezimenduetako enplegatuak %0,5 gehitu ziren 2003ko uztailean, aurreko ekainaren aldean; eta %1,1, aurreko urteko uztailaren aldean. Joan zen abendutik, enpleguaren bilakaerak aldakuntza positibo hauek metatu ditu azken zazpi hilabeteotan: Gipuzkoan %1,8, Bizkaian %0,8, Araban %0,6 eta ondorioz, Euskal AEn %1,0.