Euskal AEko industri prezioak % 0,3 goratu dira 2003ko uztailean, EUSTATek landutako datuen arabera. Datu horiek kontuan hartuta, uztaileko urte arteko tasa (azken hamabi hilabetean industri prezioek izandako aldakuntza laburbiltzen duena) % 1,3 hazi da. Beste alde batetik, urteko lehen zazpi hilabeteko bilakaerak % 0,5eko handitzea dakar, aurreko abenduaren gainean.

Euskal AEko industri prezioen indizearen bilakaera, ehunekoetan

(*) 2003ko uztailerainoko urte arteko hazkundea.

Iturria: EUSTAT

Sektoreka xehexehe aztertzeak agerian uzten du, uztailean, petrolioa fintzea (% 4,0) energia elektrikoa, gasa eta ura (% 1,6), papera, argitalpena eta arte grafikoak (% 0,5), garraiomateriala (% 0,5) eta metalezko eta ezmetalezko meak (% 0,2) sektoreek gehitu dituztela gehien prezioak, aurreko hilaren aldean. Hileko jaitsierarik nabarmenenak, aitzitik, honako sektore hauei dagozkie: kautxua eta plastikoa (% 1,7), ehungintza eta jantzigintza (% 1,0), metalgintza eta metalezko gaiak (% 0,4) eta larruaren eta oinetakoen industria (% 0,3).

2002ko uztailaren eta 2003ko uztailaren urte arteko epean, preziohazkunderik handienak metalezko eta ezmetalezko meak (% 7,1), garraiomateriala (% 2,9), elikagaiindustria (% 2,8), petrolioa fintzea (% 2,6) eta ezmetalezko industria (% 2,6) sektoreenak izan dira. Kontrako noranzkoan, urte arteko hazkundetasa negatiboak izan dituzte ehungintza eta jantzigintza (% 0,5) eta kautxua eta plastikoa (% 0,4) sektoreetako prezioek.

Ondasunek helburu ekonomikoaren arabera duten sailkapenari jarraituz, prezioek uztailean aldakuntza hau izan dute, aurreko hilaren aldean: bitarteko ondasunenak % 0,5 handitu dira, eta ekipoondasunenak egonkortu egin dira (% 0,0); kontsumoondasunenak, berriz, % 0,1 txikitu dira.

Hiru ondasuntalde horietako prezioen bilakaerek alde nabarmenagoak markatu dituzte urte arteko aldian (2003ko uztaila, 2002ko uztailaren aldean): prezioigoerarik handiena kontsumoondasunetan (% 2,0) gertatu da; ondoren, ekipoondasunetan (% 1,8); eta bitarteko ondasunetako prezioek aldakuntza txikiagoa (% 0,8) izan dute.

Iturria: EUSTAT