2003ko azaroan, EUSTATek eskainitako datuen arabera, % 0,6ko urte arteko gutxitze nominala izan dute Euskal AEko azalera handietan egindako salmentek, aurreko urteko hil beraren aldean. Behin prezioen eragin inflazionista kenduz gero, joan den azaroko urte arteko tasak % 3,1eko jaitsaldia izan du, prezio konstantetan.

Merkataritza-arlo horretako salmentek % 1,6ko gutxitze nominala izan zuten Araban, eta % 0,9koa Bizkaian; Gipuzkoan, berriz, % 0,4ko hazkunde arina izan zuten. Salmenta nominaletako zifra horiek balio errealetara ekarrita, Gipuzkoako azalera handiek % 2,1 gutxitu zituzten salmentak; Bizkaikoek, % 3,4; eta Arabakoek, % 4.

Elikadura-produktuen salmentek, Euskal AEn, % 1,9ko urte arteko gutxitze nominala izan dute 2003ko azaroan; eta gainerako salgaiek % 1,4ko igoera izan dute. Balio errealetan (prezioen igoeraren eragina deskontatuta), elikadura-produktuen salmentak % 5,9 urritu dira; gainerako produktuetan ere jaitsi egin dira salmentak, baina neurritsuago: % 0,4.

Lurraldeka, elikadura-produktuen salmenten bilakaerak, balio errealetan, alde txikiak izan ditu. Izan ere, % 6,6 urritu dira Gipuzkoan, % 6,0 Bizkaian, eta % 4,1 Araban. Ehuneko horiek guztiak, aurreko urteko hil beraren aldean.

Gainerako produktuen salmenten urte arteko bilakaerari dagokionez, lurralde batetik bestera alde handiagoak nabari dira. Hartara, % 5,4ko hazkundea izan da Gipuzkoan, eta % 5,3ko eta % 1,2ko jaitsierak Araban eta Bizkaian, hurrenez hurren, balio konstantetan neurtuta.

Euskal AEko azalera handietako establezimenduetako enplegatuak % 1,5 gehitu ziren 2003ko azaroan, urriaren aldean; eta % 1,0, aurreko urteko azaroaren aldean.

2003KO LEHENENGO HAMAIKA HILABETEAREN BALANTZEA

Azalera handietako salmentak % 5,7ko igoera nominala izan zuten 2003ko lehenengo hamaika hilabetean, aurreko urteko aldi beraren aldean. Behin prezioen eragin inflazionista kenduz gero, tasa erreala % 2,6koa da, aurreko urtekoa baino handiagoa.

Lurralde historikoak bereizita, hauek dira urteko lehenengo hamaika hilabeteko hazkunde erreal metatuak: Araba % 1,7 igo da; Bizkaia, % 2,5; eta Gipuzkoa, % 3,2.

Joan den abenduaz geroztik, enpleguaren bilakaerak, urteko lehenengo hamaika hilabete honetan, aldakuntza positibo hauek metatu ditu: Gipuzkoan, % 1,3; Bizkaian % 0,9; Araban % 0,7; eta Euskal AE osoan % 0,9.