2004ko urtarrilean, EUSTATek eskainitako datuen arabera, % 11ko urte arteko gehikuntza nominala izan dute Euskal AEko azalera handietan egindako salmentek, aurreko urteko hil beraren aldean. Behin prezioen eragin inflazionista kenduz gero, joan den urtarrileko urte arteko tasak % 9,1eko goratzea izan du, prezio konstantetan.

Merkataritza-arlo horretako salmentek % 5,4ko hazkunde nominala izan zuten Araban, % 10,5ekoa Bizkaian, eta % 15,7koa Gipuzkoan. Salmenta nominaletako zifra horiek balio errealetara ekarrita, Arabako azalera handiek % 3,6 gehitu zituzten salmentak; Bizkaikoek, % 8,5; eta Gipuzkoakoek, % 13,7.

Elikadura-produktuen salmentek, Euskal AEn, % 13,7ko urte arteko gehitze nominala izan dute 2004ko urtarrilean; eta gainerako salgaienek % 8,2ko igoera izan dute. Balio errealetan (prezioen igoeraren eragina deskontatuta), elikadura-produktuen salmentak % 8,8 hazi dira; gainerako produktuetan ere igo egin dira salmentak, baina neurritsuagoxe: % 7,4.

Lurraldeka, elikadura-produktuen salmenten bilakaerak, balio errealetan, alde txikiak izan ditu. Izan ere, % 6,4 hazi dira Araban, % 9,5 Bizkaian, eta % 9,6 Gipuzkoan. Ehuneko horiek guztiak, aurreko urteko hil beraren aldean.

Gainerako produktuen salmenten urte arteko bilakaerari dagokionez, lurralde batetik bestera alde handiagoak nabari dira. Hartara, % 0,9ko beheratzea izan da Araban, % 6,2ko hazkundea Bizkaian, eta % 16,9ko goratze nabarmena Gipuzkoan, balio konstantetan neurtuta.

Euskal AEko azalera handietako establezimenduetako enplegatuak % 1,3 gehitu ziren 2004ko urtarrilean, aurreko urteko hil beraren aldean.