2003ko irailean, EUSTATek eskainitako datuen arabera, % 11,5eko urte arteko gehikuntza nominala izan dute Euskal AEko azalera handietan egindako salmentek, aurreko urteko hil beraren aldean. Behin prezioen eragin inflazionista kenduz gero, joan den iraileko urte arteko tasa % 8,1ekoa izan da, hazkunde errealeko baliotan.

Merkataritzaarlo horretako salmenten % 12,4ko hazkunde nominala izan zuten Gipuzkoan, % 11,5ekoa Bizkaian, eta % 9,5ekoa Araban. Salmenta nominaletako zifra horiek balio errealetara ekarrita, Gipuzkoako azalera handiek % 9,1 gehitu zituzten salmentak; Bizkaikoek, % 8,1; eta Arabakoek, % 6,2.

Iturria: EUSTAT

Elikaduraproduktuen salmentek, Euskal AEn, % 11,3ko urte arteko gehikuntza nominala izan dute 2003ko irailean; eta gainerako salgaiek oso antzeko igoera izan dute, % 11,7koa. Balio errealetan (prezioen igoeraren eragina deskontatuta), elikaduraproduktuen salmentak % 6,8 hazi dira; gainerako produktuetan, berriz, % 10,0 gehitu dira salmentak.

Lurraldeka, elikaduraproduktuen salmenten bilakaerak, balio errealetan, alde txikiak izan ditu. Izan ere, % 7,9 hazi dira Bizkaian; gutxixeago, % 6,3, Gipuzkoan; eta % 4,7, azkenik, Araban. Ehuneko horiek guztiak, aurreko urteko hil beraren aldean.

Gainerako produktuen salmenten bilakaerari dagokionez, lurralde batetik bestera aldeak nabari dira orobat. Hartara, % 14,0ko hazkundea izan da Gipuzkoan, % 8,7koa Bizkaian, eta % 8,5ekoa Araban, balio konstanteetan neurtuta.

Euskal AEko azalera handietako establezimenduetako enplegatuak % 0,4 gehitu ziren 2003ko irailean, abuztuaren aldean; eta % 0,9, aurreko urteko irailaren aldean. Joan den abenduaz geroztik, enpleguaren bilakaerak, urteko lehenengo bederatzi hilabete honetan, aldakuntza positibo hauek metatu ditu: Gipuzkoan, % 1,7; Bizkaian % 0,7; Araban % 0,7; eta Euskal AE osoan % 1,0.