2003ko abenduan, EUSTATek eskainitako datuen arabera, %7,3ko urte arteko gehikuntza nominala izan zuten Euskal AEko azalera handietan egindako salmentek, aurreko urteko hil beraren aldean. Behin prezioen eragin inflazionista kenduz gero, joan den abenduko urte arteko tasa %4,8ko gehikuntza izan da, prezio finkotan.

Merkataritza-arloko salmenten %3,6ko hazkunde nominala izan zuten Araban, %8,1ekoa Bizkaian eta %8,0koa Gipuzkoan. Salmenta nominaletako zifra horiek balio errealetara ekarrita, Bizkaiko azalera handiek %5,5 gehitu zituzten salmentak; Gipuzkoakoek, %5,4; eta Arabakoek, %1,1.

Elikaduraproduktuen salmentek, Euskal AEn, %7,5eko urte arteko gehikuntza nominala izan dute 2003ko abenduan; eta gainerako salgaiek %7,2koa. Balio errealetan (prezioen igoeraren eragina deskontatuta), elikaduraproduktuen salmentak %2,9 hazi dira; gainerako produktuetan, berriz, gehiago hazi dira salmentak, %5,6, hain zuzen.

Lurraldeka, elikaduraproduktuen salmenten bilakaerak, balio errealetan, alde txikiak izan ditu. Izan ere, %3,7 hazi dira Araban; %3,4 Bizkaian; eta azkenik, %1,9 Gipuzkoan. Ehuneko horiek guztiak, aurreko urteko hil beraren aldean.

Gainerako produktuen salmenten bilakaerari dagokionez, lurralde batetik bestera aldeak nabari dira orobat. Hartara, %9,4ko hazkundea izan da Gipuzkoan, %6,7koa Bizkaian, eta %3,6ko jaitsiera Araban, balio konstanteetan neurtuta.

2003ko abenduan, Euskal AEko azalera handietako establezimenduetako enplegatuak %2,2 gehitu ziren azaroaren aldean; eta %2,5 aurreko urteko abenduaren aldean.

2003KO URTEKO BALANTZEA

Azalera handietako salmentek %5,9ko hazkunde nominala izan dute 2003 osoan, aurreko urtearen aldean. Behin prezioen eragina kenduta, %2,9ko tasa erreala dugu, 2002koa baino altuagoa.

Lurralde historikoka, 2003 osoan metatutako hazkunde errealak honakoak dira: Araban %1,7 igo da, Bizkaian %2,9 eta Gipuzkoan %3,5.

Joan zen abendutik, enpleguaren bilakaerak aldakuntza positibo hauek metatu ditu 2003 osoan: Gipuzkoan, %1,3; Bizkaian %1,1; Araban %0,8; eta Euskal AE osoan %1,1.