2003ko laugarren hiruhilekoko Kanpo Merkataritzaren Indizeak % 4,5eko urte arteko hazkunde nominala izan du aurreko urteko hiruhileko beraren aldean, Eustatek landutako datuen arabera. Prezioen igoeraren eragina kendu eta gero, merkataritza-sektoreko salmenten hazkunde erreala, 2003ko laugarren hiruhilekoan, % 2,6koa izan dela kalkulatu da.

Handizkako merkataritzak % 4,5 gehitu ditu urte arteko salmentak, urte horretako laugarren hiruhilekoan. Txikizkako merkataritzak ere antzeko ehunekoan, % 4,7an, gehitu ditu.

Txikizkako sektorean, nabarmen ageri dira, izan duten hazkundeagatik, elikagaiez besteko kontsumo-gaiak (% 13,7) eta produktu erdilanduak eta txatarra (% 6,5) arloetako salmenta nominalak; aitzitik, bere horretan mantendu dira nekazaritza-produktuak eta elikagaiak arlokoak (% 1,5), eta jaitsi egin dira makinak eta tresnak arlokoak (% 5,7).

Txikizkako sektorean, hazkunde-tasa positiboak izan dituzte pertsonaren ekipamendua (% 13,6) eta etxeko ekipamendua (% 6,0) arloek, eta salmentak gutxitu dituzte bestelako kontsumo ondasunek (% -5,6) eta elikagaiek (% -2,3), betiere aurreko urteko laugarren hiruhilekoaren aldean.

Azalera ertain eta handietako txikizkako merkataritzan salmentak % 5,6 gehitu dira, kopuru nominaletan, 2003ko laugarren hiruhileko horretan, batik bat elikagaietakoak diren salmentek (% 6,2) eraginda, nahiz eta gainerako produktuek gehikuntza txikiagoa izan (% 2,2).

2003. urteko zenbateko metatuan, Barne Merkataritzako Indizea % 4,4 handitu da aurreko urtearen aldean: handizkako merkataritza % 4,2 igo da, eta txikizkakoa % 4,7, aldi horretan.

Prezioen igoeraren eragina kenduta eta kopuru nominalak euro konstanteetara ekarrita, ikusten da Barne Merkataritzaren Indizea % 2,0 hazi dela: handizkako merkataritzako salmentak % 1,7, eta txikizkako merkataritzakoak % 2,7.

Laugarren hiruhilekoan, Barne Merkataritzaren Indizeak aldakuntza nominal positiboak izan ditu hiru lurralde historikoetan, % 5,4 hazi baita Araban, % 4,7 Bizkaian eta, azkenik, % 3,8 Gipuzkoan. Urte osoa hartuta, Arabako indizea % 6,5 hazi da, Bizkaikoa % 4,3 eta Gipuzkoakoa % 3,5 (nominalak dira kopuru horiek ere).

Euskal AEko merkataritza sektorean enplegatutako langileak % 1,8 gehitu dira 2003ko laugarren hiruhilekoan, aurreko hiruhilekoaren aldean: % 0,4 handizkako arloan, eta % 2,6 txikizkakoan. Lau hiruhilekoen batez bestekoa hartuta, langileak % 1,7 gehitu dira: % 1,0 handizkako merkataritzan, eta % 2,1 txikizkakoan.