Euskal AEko industri prezioak %0,4 igo dira 2003ko urrian, EUSTATek landutako datuen arabera. Datu horiek kontuan hartuta, urriko urte arteko tasa (azken hamabi hilabeteetan industri prezioek izandako aldakuntza laburbiltzen duena) %1,3 hazi da. Beste alde batetik, urteko lehen hamar hilabeteetako industria-prezioen bilakaera %1,0 hazi da, aurreko abenduaren aldean.

Sektorekako azterketa xehatuak agerian uzten du, urrian, honako hauek izan direla inflazionistenak aurreko hilaren aldean: petrolioa fintzea (%1,8), kautxua eta plastikoa (%0,8), energia elektrikoa, gasa eta ura (%0,6) eta larruaren eta oinetakoen industria (%0,6) sektoreak, besteak beste. Bestalde, urrian prezioen beherakada izan duen sektore bakarra garraio-materiala izan da, %0,1eko jaitsierarekin.

2002ko urriaren eta 2003ko urriaren bitarteko epean, preziohazkunderik handienak honako sektore hauei egokitu zaizkie: metalezko eta ezmetalezko meak (%4,9), elikagaiak (%3,5), makineria (%2,8), papera, argitalpena eta arte grafikoak (%1,9) eta garraiomateriala (%1,9) sektoreei. Kontrako noranzkoan, urte arteko hazkunde-tasa negatiboak izan dituzte petrolio fintzea (%-3,9), kautxua eta plastikoa (%-0,4) eta ehungintza eta jantzigintza (%-0,4) sektoreetako prezioek.

Ondasunen helburu ekonomikoaren araberako sailkapenari jarraituz, urrian, aurreko hilaren aldean, honako aldakuntzak izan dira prezioetan: bitarteko ondasunen prezioak %0,7 igo dira, kontsumoondasunenak %0,2 eta ekipoondasunen prezioak, berriz, %0,1 jaitsi dira.

Hiru ondasun-talde horietako prezioen bilakaerek aldeak ageri dituzte urte arteko aldian (2003ko urria, 2003ko urriaren aldean): prezio-igoerarik handiena kontsumo-ondasunetan (%2,3) gertatu da; ondoren, ekipo-ondasunetan (%1,9); eta bitarteko ondasunetako prezioek igoera arinagoa izan dute, %0,5ekoa.