Euskal AEko industri prezioek bere horretan iraun dute (%0,0) 2003ko abenduan, EUSTATek landutako datuen arabera. Abenduko datu horiekin, industri prezioak 2002ko %2,4tik 2003ko 0,7ra desazeleratu dira.

Sektorekako azterketa xeheagoak agerian uzten du, abenduan, kimika-industria (%0,6), kautxua eta plastikoa (%0,6), metalgintza eta metalezko gaiak (%0,6), elikagai-industria (%0,4) eta energia elektrikoa, gasa eta ura (%0,3) adarrek, besteak beste, gehitu dituztela gehien prezioak, aurreko hilaren aldean. Prezioetako jaitsierarik handienak, aitzitik, honako sektore hauek izan dituzte abenduan: petrolioa fintzea (%-2,8), metalezko eta ez-metalezko meak (%-1,6), larruaren eta oinetakoen industria (%-0,6), zurgintza (%-0,1), papera, argitalpena eta arte grafikoak (%-0,1), eta garraio-materiala (%-0,1) sektoreek.

Ondasunen helburu ekonomikoaren araberako sailkapenari jarraituz, abenduan, aurreko hilaren aldean, bitarteko ondasunak %0,1 jaitsi dira, kontsumo-ondasunak %0,2 igo dira eta ekipo-ondasunek ez dute aldaketarik izan prezioetan (%0,0).

URTEKO BALANTZEA 2003

2003ko urtarrilaren 1etik abenduaren 31 bitarteko epean, prezio-hazkunderik handienak honako sektore hauei egokitu zaizkie: makineria (%2,5), kimika-industria (%2,0), elikagai-industria (%1,8) eta metalgintza eta metalezko gaiak (%1,7) sektoreei. Kontrako noranzkoan, 2003an urte arteko tasa negatiboak izan dituzte petrolioa fintzea (%-4,7), ehungintza eta jantzigintza (%-1,8), larruaren eta oinetakoen industria (%-1,8) eta energia elektrikoa, gasa eta ura (%-1,6) sektoreetako prezioek.

Helburu ekonomikoka izandako bilakaeretan, hiru ondasun-taldeek izan dute zeinu positiboa, aldeak badiren arren bakoitzaren urte arteko bilakaeran (2003ko abendua, 2002ko abenduaren aldean); ekipo-ondasunen balioak %1,6 igo dira, kontsumo-ondasunenak %1,2 igo dira; eta bitarteko ondasunenak, berriz, %0,3 igo dira aldi honetan.