2004ko otsailean, EUSTATek eskainitako datuen arabera, %3ko urte arteko gehikuntza nominala izan zuten Euskal AEko azalera handietan egindako salmentek, aurreko urteko hil beraren aldean. Behin prezioen eragin inflazionista kenduz gero, joan den otsaileko urte arteko tasa %1,4ko gehikuntza izan da, prezio finkotan.

Merkataritza-arloko salmentek %4,5eko hazkunde nominala izan zuten Gipuzkoan eta %3,2koa Bizkaian, baina %0,4 jaitsiera izan zuten Araban. Salmenta nominaletako zifra horiek balio errealetara ekarrita, Arabako azalera handiek %2 gutxitu zituzten salmentak eta Gipuzkoakoek eta Bizkaikoek, ostera, %2,9 eta %1,6 gehitu zituzten, hurrenez hurren.

Jateko produktuen salmentek, Euskal AEn, %3,6ko urte arteko gehikuntza nominala izan zuten 2004ko otsailean; eta gainerako salgaienak %2,2koa. Balio errealetan (prezioen igoeraren eragina deskontatuta), jateko produktuen salmentak %0,4 jaitsi ziren; gainerako produktuetan, berriz, %1,6 igo ziren salmentak.

Lurraldeka, jateko produktuen salmenten bilakaerak, balio errealetan, aldeak izan ditu. Izan ere, %0,3 hazi dira Bizkaian, baina %1,2 murriztu dira Gipuzkoan eta %1 Araban. Ehuneko horiek guztiak, aurreko urteko hil beraren aldean.

Gainerako produktuen salmenten bilakaerari dagokionez, lurralde batetik bestera aldeak nabari dira. Hartara, %5,7 gutxitu dira Araban, %1,3ko hazkunde neurritsua izan da Bizkaian, eta %7,3ko igoera nabarmena izan da Gipuzkoan, balio konstanteetan neurtuta.

Euskal AEko azalera handietako establezimenduetako enplegatuak %0,6 gehitu ziren 2004ko otsailean, aurreko urteko hil beraren aldean; eta %0,5, aurreko abenduaren aldean.