2004ko martxoan, EUSTATek eskainitako datuen arabera, %3,8ko urte arteko gehikuntza nominala izan zuten Euskal AEko azalera handietan egindako salmentek, aurreko urteko hil beraren aldean. Behin prezioen eragin inflazionista kenduz gero, joan den martxoko urte arteko tasa %1,3ko gehikuntza izan zen, prezio finkotan.

Merkataritza-arloko salmentek %4,7ko hazkunde nominala izan zuten Gipuzkoan, %3,5ekoa Bizkaian, eta %2,9koa Araban. Salmenta nominalen zifra horiek balio errealetara ekarrita, Gipuzkoako azalera handietako salmentek %2,2ko urte arteko gehikuntza erreala izan zuten; Bizkaikoek %1,0koa eta Arabakoek %0,4koa.

Jateko produktuen salmentek, Euskal AEn, %4,7ko urte arteko gehikuntza nominala izan zuten 2004ko martxoan; eta gainerako salgaienak, berriz, %2,4koa. Balio errealetan (prezioen igoeraren eragina deskontatuta), jateko produktuen salmentak %0,4 hazi ziren; gainerako produktuenak, aldiz, %1,7 .

Lurraldeka, jateko produktuen salmenten bilakaerak, balio errealetan, aldeak izan zituen. Izan ere, %2,8 hazi ziren Araban eta %0,4 Bizkaian; baina, %0,9 murriztu ziren Gipuzkoan; horiek guztiak, aurreko urteko hil beraren aldean.

Gainerako produktuen salmenten bilakaerari dagokionez, lurralde batetik bestera aldeak nabarmenagoak izan ziren. Hartara, %4,3 gutxitu ziren Araban, %1,2ko hazkunde neurritsua izan zen Bizkaian, eta %6,9ko igoera nabarmena izan zen Gipuzkoan, balio konstanteetan neurtuta.

2004ko martxoan, Euskal AEko azalera handietako establezimenduetako enplegatuak %0,6 gehitu ziren joan den otsailaren aldean; %1,6, aurreko urteko hil beraren aldean; eta azkenik, %1,2, aurreko abenduaren aldean.