2004ko maiatzean, EUSTATek eskainitako datuen arabera, %1,8ko urte arteko beheratze nominala izan zuten Euskal AEko azalera handietan egindako salmentek, aurreko urteko hil beraren aldean. Behin prezioen eragin inflazionista kenduz gero, 2004ko maiatzeko urte arteko bilakaera %-5,0ko tasa errealean estimatu zen.

Merkataritza-arloko salmentek %0,5eko hazkunde nominala izan zuten Gipuzkoan, Araban eta Bizkaian, berriz, %4,8 eta %2,3ko beheratzeak izan ziren, hurrenez hurren. Salmenta nominalen zifra horiek balio errealetara ekarrita, Gipuzkoako azalera handietako salmentek %2,7 gutxitu zituzten salmentak; Bizkaikoek %5,4 eta Arabakoek %7,9.

Jateko produktuen salmentek, Euskal AEn, %2,4ko urte arteko beheratze nominala izan zuten 2004ko maiatzean; eta gainerako salgaienak %0,9koa. Balio errealetan (prezioen igoeraren eragina deskontatuta), jateko produktuen salmentak %7,1 gutxitu ziren eta gainerako produktuenak, aldiz, %4,1.

Jateko produktuen salmentek lurraldez lurralde izan zuten bilakaerek zeinu negatiboa izan zuten hiru lurraldeetan: %7,3 jaitsi ziren Bizkaian, %7,2 Gipuzkoan eta %6,1 Araban, aurreko urteko hil beraren aldean.

Hala ere, gainerako produktuen urte arteko salmenten bilakaerek alde handiagoak izan zituzten: produktu horien salmentek hazkundeak izan zituzten, balio errealetan, Gipuzkoan (%3,7), baina urte arteko %4,9 eta %12,4ko urte arteko jaitsierak izan zituzten Bizkaian eta Araban, hurrenez hurren.

2004ko maiatzean, Euskal AEko azalera handietako establezimenduetako enplegatuak %0,7 gehitu ziren joan den apirilaren aldean; %2,4, aurreko urteko hil beraren aldean; eta azkenik, %1,6ko aldakuntza izan zuten urteko lehenengo bost hilabeteetan, aurreko urteko aldi beraren aldean (tasa metatua).