EUSTATek eskainitako datuen arabera, 2004ko irailean, %2,0ko urte arteko gehikuntza nominala izan zuten Euskal AEko azalera handietan egindako salmentek, aurreko urteko hil beraren aldean. Behin prezioen eragin inflazionista kenduz gero, 2004ko iraileko urte arteko bilakaera %-1,2ko tasa erreala izan zen.

Merkataritza-sektorearen salmentek bi lurraldetan bakarrik izan zituzten hazkunde nominalak: Gipuzkoan %3,3 hazi ziren eta Bizkaian %1,9, baina Araban %0,6 jaitsi ziren. Salmenta nominalen zifra horiek balio errealetara ekarrita, Gipuzkoako azalera handietako salmentak %0,2 hazi ziren eta Bizkaikoak eta Arabakoak %1,2 eta %3,7 jaitsi ziren, hurrenez hurren, urte arteko gehikuntza errealeko baliotan.

Jateko produktuen salmentek, Euskal AEn, %1,9ko urte arteko gehikuntza nominala izan zuten 2004ko irailean; eta gainerako salgaien salmentek %2,1ekoa. Balio errealetan (prezioen igoeraren eragina deskontatuta), jateko produktuen salmentak %1,7 jaitsi ziren; gainerako produktuenak, berriz, %0,7.

Jateko produktuen salmentek lurraldez lurralde izan zuten bilakaerek zeinu negatiboa izan zuten hiru lurraldeetan, balio errealetan: %2,1 jaitsi ziren Gipuzkoan, %1,5 Bizkaian eta %1,3 Araban, aurreko urteko hil beraren aldean.

Gainerako produktuen urte arteko salmenten bilakaerek alde handiagoak izan zituzten: produktu horien salmentek hazkundeak izan zituzten, balio errealetan, Gipuzkoan (%4,3), baina urte arteko %7,1eko eta %1eko urte arteko jaitsierak izan zituzten Araban eta Bizkaian, hurrenez hurren.

2004ko irailean, Euskal AEko azalera handietako establezimenduetako enplegatuak %2,1 gehitu ziren joan den abuztuaren aldean; %1,4 aurreko urteko hil beraren aldean; eta azkenik, %1,6ko aldakuntza positiboa izan zuten urteko lehenengo hilotan, aurreko urteko aldi beraren aldean (tasa metatua).