2004ko uztailean, EUSTATek eskainitako datuen arabera, % 7,7ko urte arteko gehikuntza nominala izan dute Euskal AEko azalera handietan egindako salmentek, aurreko urteko hil beraren aldean. Behin prezioen eragin inflazionista kenduz gero, aurtengo uztaileko urte arteko tasa erreala % 4,2koa izan dela kalkulatu da.

Azalera handietan egindako salmentek hazkunde nominalak izan dituzte hiru lurraldeetan: Gipuzkoan, % 10,5ekoa; Bizkaian, % 7,3koa; eta Araban, % 4,0koa. Salmenta nominaletako zifra horiek balio errealetara ekarrita, Gipuzkoako azalera handiek % 6,9 gehitu zituzten salmentak; Bizkaikoek, % 3,8; eta Arabakoek, % 0,7 (urte arteko gehitze errealak).

Elikadura-produktuen salmentek, Euskal AEn, % 9,3ko urte arteko gehitze nominala izan dute 2004ko uztailean; eta gainerako salgaienek % 5,8ko igoera izan dute. Balio errealetan (prezioen igoeraren eragina deskontatuta), elikadura-produktuen salmentak % 4,7 hazi dira; gainerako produktuetan, berriz, % 3,4 gehitu dira salmentak.

Elikadura-produktuen salmenten bilakaera, balio errealetan, positiboa izan da hiru lurraldeetan: aurreko urteko hil beraren aldean, Araban % 5,1 gehitu da, Gipuzkoan % 5,0 hazi da, eta Bizkaian, azkenik, % 4,3 igo da.

Dena dela, gainerako produktuen salmenten urte arteko bilakaerari dagokionez, lurralde batetik bestera alde handiagoak nabari dira: produktu horien salmentak gehitu egin dira balio errealetan Gipuzkoan (% 9,6) eta Bizkaian (% 3,3); Araban, aitzitik, % 4,4ko urte arteko beheratzea izan da.

Euskal AEko azalera handietako establezimenduetako enplegatuak % 1,8 gehitu dira 2004ko uztailean, aurreko ekainaren aldean; % 2,9, aurreko urteko uztailaren aldean, eta, halaber, aldakuntza positiboa izan dute (% 1,8) aurtengo orain arteko aldian, aurreko urteko aldi beraren aldean (tasa metatua).