2004ko ekainean, EUSTATek eskainitako datuen arabera, %9,4ko urte arteko gehikuntza nominala izan zuten Euskal AEko azalera handietan egindako salmentek, aurreko urteko hil beraren aldean. Behin prezioen eragin inflazionista kenduz gero, 2004ko ekaineko urte arteko bilakaera %5,5eko tasa errealean estimatu zen.

Merkataritza-sektorearen salmentek hazkunde nominalak izan zituzten hiru lurraldeetan: Bizkaian %10,4, Gipuzkoan %9,7 eta Araban %5,5 hazi ziren. Salmenta nominalen zifra horiek balio errealetara ekarrita, Bizkaiko azalera handietako salmentak %6,5 gehitu ziren, Gipuzkoakoak %5,8 eta Arabakoak %1,7, urte arteko hazkunde errealean.

Jateko produktuen salmentek, Euskal AEn, %8,5eko urte arteko gehikuntza nominala izan zuten 2004ko ekainean; eta gainerako salgaien salementek %10,7koa. Balio errealetan (prezioen igoeraren eragina deskontatuta), jateko produktuen salmentak %3,6 hazi ziren, eta gainerako produktuenak, %8,0.

Jateko produktuen salmentek balio errealetan bilakaera positiboak izan zituzten hiru lurraldeetan: %4,7 igo ziren Bizkaian, %3,7 Araban eta %2,1 Gipuzkoan, aurreko urteko hil beraren aldean.

Hala ere, gainerako produktuen urte arteko salmenten bilakaerek alde handiagoak izan zituzten: produktu horien salmentek hazkundeak izan zituzten, balio errealetan, Gipuzkoan (%12,6) eta Bizkaian (%8,6), baina urte arteko %1,2ko jaitsiera izan zuten Araban.

2004ko ekainean, Euskal AEko azalera handietako establezimenduetako enplegatuak %0,8 gehitu ziren joan den maiatzaren aldean; %1,5 aurreko urteko hil beraren aldean; eta azkenik, %1,6ko aldakuntza positiboa izan zuten urteko lehenengo sei hilabeteetan, aurreko urteko aldi beraren aldean (tasa metatua).