2004ko hirugarren hiruhilekoan, Barne Merkataritzaren Indizeak %9,2ko urte arteko gehikuntza nominala izan zuen, aurreko urteko aldi beraren aldean, EUSTATek landu dituen datuen arabera. Prezioen igoeraren eragina kenduta, merkataritzasektoreko salmenten hazkunde erreala %2,6an estimatu zen, 2004ko hirugarren hiruhilekoan.

1. taula.- Urte arteko hazkunde-tasa nominalak. Euskal AE. (%)

Iturria: EUSTAT

Handizkako sektorean, %10,5 igo ziren urte arteko salmentak, eta txikizkakoan, aldiz, %6,6, 2004ko hirugarren hiruhilekoan.

Handizkako merkataritza sektorean, nabarmendu egin ziren izandako hazkundeagatik makineria eta ekipoa (%16,3) eta gai erdilanduak eta txatarra (%15,3) atalen salmenta nominalak; nekazaritza-gaiak eta elikagaiak (%4,8) eta elikaduraz besteko kontsumo-gaiak (%4,7) atalenak, aldiz, bilakaera neurritsuagoak izan zituzten.

Ohiko txikizkako merkataritzan, pertsonen hornikuntza (%12,9), etxearen hornikuntza (%6,3) eta elikagaiak (%3,1) atalek hazkunde handiagoak izan zituzten euren salmentetan, bestelako kontsumo-gaien (%0,9) sektoreek baino.

Urteko hirugarren hiruhilekoan, azalera ertain eta handietako txikizkako merkataritzaren salmentak %5,8 igo ziren, balio nominaletan, elikagaien salmentek (%6,8) eraginda, gainerako produktuenak (%0,2) baino gehiago.

Lurralde historikoka, barne-merkataritzaren indize orokorraren hazkunderik handienak Bizkaian (%10,3) eta Araban (%8,5) izan ziren, balio nominaletan. Gipuzkoan, aldiz, %7,5eko hazkunde neurritsuagoa lortu zen. Datu nominal horiek hazkunde errealeko datu bihurtuta, honako emaitzak ditugu: merkataritzako salmentak %4,0 hazi ziren Bizkaian, %1,6 Araban eta %0,7 Gipuzkoan.

Hiruhileko honetan, aurreko urteko hiruhileko berarekin alderatuta, handizkako sektoreko salmentek hazkunde nominal handiagoa izan zuten txikizkako sektorekoek baino, hiru lurraldeetan. Hala ere, salmenten bilakaerak, txikizkako sektorearen bilakaera positiboagoa agertzen digu handizkakoarena baino, balio errealetan, hiru lurraldeetan.

Euskal AEko merkataritza-sektoreko enplegatuek %1,2ko urte arteko gehikuntza izan zuten 2004ko hirugarren hiruhilekoan. Okupazioa %0,1 hazi zen handizkako sektorean eta %1,8 txikizkakoan. Herrialdeka, sektore honetan, enpleguaren urte arteko hazkunderik handiena Bizkaian izan zen (%1,4), jarraian Gipuzkoan (%1,3) eta azkenik Araban (%0,4).

Urteko lehenengo bederatzi hilabeteotan, langileriaren hazkunde metatua %1,7koa izan zen: handizkako sektoreko okupazioa %1,2 hazi zen eta txikizkakoa %2,0.

2. taula.- Barne Merkataritzaren Indizea. Euskal AE. 2004ko 3. hiruhilekoa

Iturria: EUSTAT