2004ko azaroan, EUSTATek landutako datuen arabera, % 6,6ko urte arteko hazkunde nominala izan dute Euskal AEko azalera handietan egindako salmentek, aurreko urteko hil beraren aldean. Behin prezioen eragin inflazionista kenduz gero, aurtengo azaroko urte arteko tasa erreala % 2,6koa izan da.

Azalera handietan egindako salmentek hazkunde nominal positiboak izan dituzte hiru lurraldeetan: Araban % 3,1 hazi dira, Bizkaian % 6,2 eta Gipuzkoan % 9,3. Zifra horiek kopuru errealetara ekarrita (prezioen igoeraren eragina kenduta, alegia), Euskal AEko hiru lurraldeetan salmentek azaroan zeinu ezberdineko bilakaerak izan dituzte, urte arteko tasetan: Araban % -0,8, Bizkaian % 2,2 eta Gipuzkoan % 5,2.

Elikadura-produktuen salmentek, Euskal AEn, % 6ko urte arteko gehitze nominala izan dute 2004ko azaroan; eta gainerako salgaienek % 7,6ko igoera izan dute. Balio errealetan, elikadura-produktuen salmentak % 2 hazi dira, eta gainerako produktuenak, % 4,2.

Elikadura-produktuen salmenten bilakaera, balio errealetan, zeinu bietakoa izan da: aurreko urteko hil beraren aldean, Araban % 0,4 gutxitu da, baina % 1,9 eta % 3,3 gehitu da Bizkaian eta Gipuzkoan, hurrenez hurren.

Gainerako produktuen salmenten urte arteko bilakaerari dagokionez, lurralde batetik bestera alde handiagoak nabari dira, era berean zeinu bietako bilakaera izanik: balio errealetan, Araban % 0,7 gutxitu dira, baina Bizkaian eta Gipuzkoan % 3,3 eta % 9,7 gehitu, hurrenez hurren.

Euskal AEko azalera handietako establezimenduetako enplegatuak % 2 gehitu dira 2004ko azaroan, aurreko urriaren aldean; % 2,4 gehitu dira, aurreko urteko azaroaren aldean; eta, halaber, aldakuntza positiboa izan dute (% 1,7) aurtengo orain arteko aldian, aurreko urteko aldi beraren aldean (tasa metatua).