2004ko abenduan, EUSTATek landutako datuen arabera, % 3,6ko urte arteko hazkunde nominala izan dute Euskal AEko azalera handietan egindako salmentek, aurreko urteko hil beraren aldean. Behin prezioen eragin inflazionista kenduz gero, joan den abenduko urte arteko tasa ez da aldatu (% 0,0), prezio konstantetan.

Merkataritza-arlo horretako salmentek % 3,0ko hazkunde nominala izan zuten Araban, % 2,4koa Bizkaian, eta % 6,1ekoa Gipuzkoan. Salmenta nominaletako zifra horiek balio errealetara ekarrita, Gipuzkoako azalera handiek % 2,4 gehitu zituzten salmentak; Bizkaikoek eta Arabakoek, aldiz, % 0,7 eta % 1,2 gutxitu zituzten, hurrenez hurren.

Elikadura-produktuen salmentek, Euskal AEn, % 5,9ko urte arteko gehitze nominala izan dute 2004ko abenduan; eta gainerako salgaienek % 0,5eko igoera izan dute. Balio errealetan (prezioen igoeraren eragina deskontatuta), elikadura-produktuen salmentak % 2,3 hazi dira; gainerako produktuetan, berriz, % 2,2 murriztu dira salmentak.

Lurraldeka, elikadura-produktuen salmenten bilakaeretan, balio errealetan, aldeak izan dira. Izan ere, % 0,2 hazi dira Araban, % 1,9 Bizkaian, eta % 3,9 Gipuzkoan. Ehuneko horiek guztiak, 2003ko abenduaren aldean.

Gainerako produktuen salmenten urte arteko bilakaerari dagokionez, lurralde batetik bestera alde handiagoak nabari dira. Hartara, % 0,8ko hazkundea izan da Gipuzkoan, eta Araban eta Bizkaian, hurrenez hurren, % 0,9ko eta 3,9ko beheratzeak izan dira, balio konstantetan neurtuta.

Euskal AEko azalera handietako establezimenduetako enplegatuak % 1,7 gehitu ziren 2004ko abenduan, azaroaren aldean; eta % 1,9, aurreko urteko abenduaren aldean.

2004. URTEAREN BALANTZEA

Azalera handietako salmentak % 4,6ko igoera nominala izan zuten 2004ko hamabi hileetan, aurreko urteko aldi beraren aldean. Behin prezioen eragin inflazionista kenduz gero, tasa erreala % 1,3koa da.

Lurraldeka, 2004. urte osoko bilakaera erreal metatuak honako hauek dira: Araban % 1,8 jaitsi dira salmentak, eta Bizkaian eta Gipuzkoan, aldiz, % 1,0 eta % 3,3 igo dira, hurrenez hurren.

2003ko abenduaz geroztik, enpleguaren bilakaerak, 2004. urte osoan, aldakuntza positibo hauek metatu ditu: Bizkaian, % 2,8; Gipuzkoan % 0,5; Araban % 0,5; eta Euskal AE osoan % 1,9.