2005eko apirilean, EUSTATek eskainitako datuen arabera, % 7,0ko urte arteko hazkunde nominala izan zuten Euskal AEko azalera handietan egindako salmentek, aurreko urteko hil berdinaren aldean. Behin prezioen eragin inflazionista kenduz gero, joan den apirileko urte arteko tasa % 3,4ko gehikuntzan estimatu zen, euro finkotan.

Merkataritza-sektoreko salmentek hazkunde nominalak izan zituzten hiru lurraldeetan: Araban % 7,7koa, Gipuzkoan % 7,3koa eta Bizkaian % 6,7koa. Salmenta nominalen zifra horiek balio errealetara ekarrita, azalera handiek ere aldakuntza positiboak izan zituzten hiru lurraldeetan: Arabako azalera handietan % 4,0 igo ziren salmentak, Gipuzkoakoetan % 3,7 eta Bizkaikoetan % 3,1.

Jateko produktuen salmentek, Euskal AEn, % 8,1eko urte arteko gehikuntza nominala izan zuten 2005eko apirilean; eta gainerako salgaienak % 5,4koa. Balio errealetan (prezioen igoeraren eragina deskontatuta), jateko produktuen salmentak % 3,5 igo ziren; gainerako produktuenak, berriz, % 2,7.

Jateko produktuen salmentek lurraldez lurralde izandako bilakaerek zeinu positiboa eta bilakaera-tasa berdintsuak izan zituzten hiru lurraldeetan, urte arteko balio errealetan: Bizkaian % 4,0 gehitu ziren, Gipuzkoan % 3,2 eta Araban % 2,9.

Gainerako produktuen urte arteko salmenten bilakaerari erreparatuta, guztiak positiboak izan arren, lurralde batetik bestera aldeak nabariagoak izan ziren aldakuntza-tasetan: % 5,2 igo ziren Araban, % 3,7 Gipuzkoan, eta % 1,6 Bizkaian, balio konstanteetan neurtuta.

Euskal AEko azalera handietako establezimenduetako enplegatuak % 2,0 gehitu ziren 2005eko apirilean, aurreko urteko hil berdinaren aldean; eta % 3,1, urteko lehenengo lau hiletan, aurreko urteko aldi berdinarekin erkatuta.