EUSTATen datuen arabera, Euskal Autonomia Erkidegoko azalera handietako salmentek %0,9ko urte arteko hazkunde nominala izan zuten 2005eko martxoan, aurreko urteko hil beraren aldean. Prezioen eragin inflazionista kenduz gero, martxoko urte arteko tasak %2,4ko beherapena izan zuen, prezio finkotan.

Merkataritzako sektore honen salmentek beherapen nominalak izan zituzten bi lurraldetan, Bizkaian (%-0,2) eta Araban (%-0,1), baina Gipuzkoan %3,2ko hazkunde nominala izan zen. Salmenta nominalen zifra horiek balio errealetara ekarrita, azalera handiek hiru lurraldeetan izan zituzten beherapenak: %3,4 Bizkaian, %3,3 Araban eta %0,2 Gipuzkoan.

Azalera handietako merkataritzaren indizea, lurralde historikoka. Balio errealak.

Iturria: EUSTAT

Jateko produktuen salmentek, Euskal Autonomia Erkidegoan, %0,9ko urte arteko hazkunde nominala izan zuten 2005eko martxoan; eta gainerako salgaiek %0,5eko beherapena izan zuten. Balio errealetan (prezioen igoeraren eragina kenduta), jateko produktuen salmentak %2,0 gutxitu ziren; gainerako produktuak, berriz, %3,2.

Jateko produktuen salmentek lurraldez lurralde izan zuten bilakaera, urte arteko balio errealetan, negatiboa izan zen baina indar ezberdinekin: Araban %4,7 gutxitu ziren, Bizkaian %2,4 eta Gipuzkoan %0,2.

Gainerako produktuen urte arteko salmenten bilakaerari erreparatuta, lurralde batetik bestera aldeak nabariagoak izan ziren aldakuntza-tasetan, guztiak negatiboak izan arren: %4,9 gutxitu ziren Bizkaian, %1,2 Araban, eta %0,5 Gipuzkoan, balio konstanteetan neurtuta.

Azalera handietako establezimenduetako langileen kopurua %4,1 gehitu zen 2005eko martxoan, aurreko urteko hil beraren aldean; eta %3,5 urteko lehenengo hiru hilabeteetan, aurreko urteko aldi berarekin alderatuta.