EUSTATen datuen arabera, Euskal Autonomia Erkidegoko industriako prezioek %0,3ko hazkundea izan zuten 2005eko irailean. Datu horien arabera, gainera, azken hamabi hilabeteetako industriako prezioen aldaketa jaso duen iraileko urte arteko tasak %4,2ko hazkundea izan du. 2004ko abenduaren aldean, urteko lehenengo bederatzi hilabeteetako igoera ere %4,2koa izan da. Petrolio-produktuen prezioaren igoerak hileko datuetan, urte arteko datuetan eta aurtengo datuetan izan du eragina.

Sektore-azterketa xehekatuenak erakutsi bezala 2005eko irailean, eta aurreko hilabetearen aldean, hauexek izan dira inflazio handiena izan duten adarrak: “petrolioaren birfinketa” (%4,9), “mineral metaliko eta ez metalikoak” (%3,8), “material elektrikoa” (%0,6), “ehungintza eta joskintza” (%0,1) eta “papera, edizioa eta arte grafikoak” (%0,1). Aitzitik, sektore batzuetan prezioak jaitsi egin ziren, besteak beste: “energia elektrikoa, gasa eta ura” (%-3,0), “larruaren eta oinetakoen industria” (%-1,2), “industria kimikoa” (%-0,3), “metalurgia eta gai metalikoak” (%-0,3), “makinaria” (%-0,2) eta “beste manufaktura batzuk” (%-0,2).

2004ko irailetik 2005eko irailera arteko aldian, prezioen hazkunderik handienak ondoko adarretan eman dira: “petrolioaren birfinketa” (%31,7), “mineral metaliko eta ez metalikoak” (%11,2), "industria kimikoa" (%4,8), "ehungintza eta joskintza" (%3,3) eta "beste manufaktura batzuk" (%3,2). Baina prezioen beherapen edo hazkunde txikiagoak izan dituzte ondoko sektoreek: “papera, edizioa eta arte grafikoak” (%-0,3), “zuraren industria” (%0,4), “garraiorako materiala” (%0,4), “larruaren eta oinetakoen industria" (%0,5) eta “material elektrikoa” (%0,6).

Xede ekonomikoaren araberako ondasunen sailkapenari jarraituz, sektore garrantzitsuenen prezioek irailean izan duten bilakaerak ibilbide ezberdina izan du horietariko bakoitzean: Energiak izan du gehikuntzarik handiena (%2,7); Ekipamenduko ondasunek (%0,0) eta Kontsumo-ondasun guztiek (%0,0) hileko prezioak mantendu dituzte. Kontsumo-ondasun ez iraunkorren prezioak ez du gorabeherarik edo beherakadarik izan, baina Kontsumo-ondasun iraunkorrenak %0,1 jaitsi dira. Tarteko ondasunen prezioak, gainera, aurreko hilabetearen aldean %0,3 jaitsi dira.

Ondasun talde garrantzitsu hauen prezioen bilakaerek urtetik urtera gero eta ezberdintasun nabarmenagoak izan dituzte, baina guztiak positiboak. Energiaren prezioak %22 igo dira, tarteko ondasunak %1,9, ekipamenduko ondasunak %1,4 eta kontsumo-ondasunak %1,6. Azken hauen artean, %2,1 igo dira kontsumo-ondasun iraunkorren prezioak eta %1,4 kontsumo-ondasun ez iraunkorren prezioak.