EUSTATek eskainitako datuen arabera, 2005eko irailean, %3,1eko urte arteko hazkunde nominala izan zuten Euskal AEko azalera handietan egindako salmentek, aurreko urteko hil beraren aldean. Behin prezioen eragin inflazionista kenduta, joan den iraileko urte arteko tasa %0,4ko gutxitzean estimatu zen, euro finkotan.

Merkataritza-azpisektoreko salmentek hazkunde nominalak izan zituzten hiru lurraldeetan: %5,2 igo ziren Araban, %3,0 Bizkaian, eta %2,2 Gipuzkoan. Salmenta nominalen zifra horiek balio errealetara ekarrita, azalera handietako salmentek Araban (%1,6) besterik ez zuten aldakuntza positiboak izan, Bizkaian eta Gipuzkoan %0,4ko eta %1,2ko jaitsierak izan baitzituzten, hurrenez hurren.

Jateko produktuen salmentek, Euskal AEn, %3,9ko urte arteko hazkunde nominala izan zuten 2005eko irailean; eta gainerako salgaiek %2,0koa. Balio errealetan (prezioen igoeraren eragina deskontatuta), jateko produktuen salmentak %0,5 hazi ziren, eta gainerako produktuenak, aldiz, %1,4 murriztu.

Jateko produktuen salmenten bilakaerak balio errealetan positiboak izan ziren bi lurraldetan: Bizkaian eta Araban %1,4 eta %0,9 gehitu ziren, hurrenez hurren, baina Gipuzkoan %1 gutxitu ziren.

Gainerako produktuen urte arteko salmenten bilakaerek ere desberdintasunak izan zituzten aldakuntza-tasetan: %2,5 jaitsi ziren Bizkaian eta %1,5 Gipuzkoan, baina %2,9 gehitu ziren Araban, beti ere, termino finkotan neurtuta.

2005eko irailean, Euskal AEko azalera handietako establezimenduetako enplegatuak %1,9 gehitu ziren aurreko abuztuaren aldean, %0,6 gehitu ziren aurreko urteko hil beraren aldean; eta %2,1 gehitu ziren, urteko lehenengo bederatzi hilabeteetan, aurreko urteko aldi berdinaren aldean.