EUSTATen datuen arabera, Euskal Autonomia Erkidegoko azalera handietako salmentek %2,2ko urte arteko hazkunde nominala izan zuten 2005eko ekainean, aurreko urteko hil beraren aldean. Prezioen eragin inflazionista kenduz gero, ekaineko urte arteko tasak %1eko beherapena izan zuen, euro finkotan.

Merkataritzako azpisektore honen salmentek hazkunde nominalak izan zituzten Euskal Autonomia Erkidegoko hiru lurraldeetan: Araba da nabarmenena %5,1eko hazkundearekin, Gipuzkoak eta Bizkaiak hazkunde txikiagoak izan dituzte %3 eta %0,9koak hurrenez hurren. Salmenta nominalen kopuru horiek balio errealetara pasatuz gero, azalera handiek Araban (%1,9) bakarrik izan zuten aldaketa positiboa; Bizkaian (%-2,3) eta Gipuzkoan (%-0,2), ordea, salmentak gutxitu egin ziren balio errealetan.

Jateko produktuen salmentek, Euskal Autonomia Erkidegoan, %4,3ko urte arteko hazkunde nominala izan zuten 2005eko ekainean; eta gainerako salgaiek %0,8ko beherapena izan zuten. Balio errealetan (prezioen igoeraren eragina kenduta), jateko produktuen salmentak %0,3 gehitu ziren; gainerako produktuak, berriz, %3,2 gutxitu ziren.

Jateko produktuen salmentak, urte arteko balio errealetan, positiboak izan ziren lurralde bakar batean; izan ere, Araban %3,5 gehitu ziren. Bizkaian eta Gipuzkoan, ostera, urte arteko tasak, euro finkotan, %0,3 eta %0,2 beheratu ziren, hurrenez hurren.

Gainerako produktuen urte arteko salmenten bilakaera aintzat hartuta, lurralde guztietan bilakaera hori negatiboa izan zen baina lurralde batetik bestera ezberdintasunak izan ziren: %4,7 gutxitu zen Bizkaian, %1 Gipuzkoan eta %0,9 Araban, balio finkoetan neurtuta.

Azalera handietako establezimenduetako langileen kopurua %2,2 gehitu zen 2005eko ekainean, aurreko maiatzaren aldean, eta %2,5 gehitu zen aurreko urteko hil beraren aldean. 2005eko lehen seihilekoan %2,7 gehitu zen aurreko urteko aldi berarekin alderatuta.